ഡല്ഹി: രാഹുല് ഗാന്ധിയുമായി നടത്തിയ ചര്ച്ചയില് പൂര്ണ തൃപ്തനെന്ന് കോണ്ഗ്രസ് നേതാവ് രമേശ് ചെന്നിത്തല. രാഹുല് ഗാന്ധിയും സോണിയാ ഗാന്ധിയും എടുക്കുന്ന ഏതൊരു തീരുമാനവും അംഗീകരിക്കുമെന്നും അദ്ദേഹം പറഞ്ഞു. ഡല്ഹിയില് രാഹുല് ഗാന്ധിയുമായുളള ചര്ച്ചയ്ക്കുശേഷം മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം.
' ഉമ്മന്ചാണ്ടിയും താനും തെരഞ്ഞെടുപ്പുമായി ബന്ധപ്പെട്ട് ആശങ്കകള് പ്രകടിപ്പിച്ചു എന്നത് സത്യമാണ്. അതും പരാജയത്തിന്റെ കാരണങ്ങളും രാഹുല് ഗാന്ധിയോട് വിശദീകരിച്ചു. ഇന്നുതന്നെ രാഹുല് ഗാന്ധി ഉമ്മന് ചാണ്ടിയുമായി ഫോണില് ബന്ധപ്പെടും. ഉമ്മന് ചാണ്ടിയും താനും കോണ്ഗ്രസ് നേതൃത്വത്തോട് ചേര്ന്നുനില്ക്കുന്നവരാണ്. കോണ്ഗ്രസിന്റെ നന്മയ്ക്കുവേണ്ടി രാഹുല് ഗാന്ധിയും സോണിയാ ഗാന്ധിയുമെടുക്കുന്ന ഏതൊരു തീരുമാനവും അംഗീകരിക്കും. പുതിയ പ്രതിപക്ഷ നേതാവിനും കെപിസിസി പ്രസിഡന്റിനും താന് നേരത്തേ തന്നെ ആശംസ അറിയിച്ചിട്ടുണ്ടെന്നും രമേശ് ചെന്നിത്തല പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
രാഹുലുമായി സംസാരിച്ചപ്പോള് മനസിലെ എല്ലാ പ്രയാസങ്ങളും മാറി. തന്നോട് ഒരു നെഗറ്റീവ് താല്പ്പര്യവും രാഹുലിനില്ല. കാര്യങ്ങള് തീരുമാനിക്കേണ്ടത് ഹൈക്കമാന്ഡ് ആണ് എന്നായിരുന്നു എഐസിസി ജനറല് സെക്രട്ടറിയാവുമോ എന്ന ചോദ്യത്തിന് രമേശ് ചെന്നിത്തലയുടെ മറുപടി.