ഡല്ഹി: ഇന്ത്യന് കായിക ലോകത്തിന്റെ 'പറക്കും സിംഗ്' മില്ഖാ സിംഗിന്റെ നിര്യാണത്തില് കായിക താരങ്ങളും രാഷ്ട്രീയ സിനിമാ മേഖലകളിലുളളവരും അനുസ്മരിച്ചു. ഇന്ത്യക്കാരുടെ ഹൃദയത്തില് ഒരു പ്രത്യേക സ്ഥാനം നേടിയെടുത്ത കായിക താരത്തെയാണ് നഷ്ടമായതെന്ന് പ്രധാനമന്ത്രി നരേന്ദ്രമോദി പറഞ്ഞു.
' നമുക്ക് അസാധാരണനായ ഒരു കായിക താരത്തെയാണ് നഷ്ടമായിരിക്കുന്നത്. എണ്ണമറ്റ ഇന്ത്യക്കാരുടെ ഹൃദയത്തില് പ്രത്യേക സ്ഥാനം നേടിയെടുക്കയാളാണ് മില്ഖ. അദ്ദേഹത്തിന്റെ വ്യക്തിത്വം ലക്ഷക്കണക്കിന് ആളുകളെ ആകര്ഷിച്ചു. അദ്ദേഹത്തിന്റെ വിടവാങ്ങല് കടുത്ത വേദയുളവാക്കുന്നു' പ്രധാനമന്ത്രി ട്വീറ്റ് ചെയ്തു. കുറച്ചുനാള് മുന്പ് അദ്ദേഹവുമായി സംസാരിച്ചിരുന്നു. അന്ന് അത് അവസാനത്തെ സംഭാഷണമാകുമെന്ന് കരുതിയില്ല. വളര്ന്നുവരുന്ന നിരവധി കായിക താരങ്ങള് അദ്ദേഹത്തിന്റെ ജീവിതയാത്രയില് നിന്ന് ഊര്ജ്ജം ഉള്ക്കൊളളും. അദ്ദേഹത്തിന്റെ കുടുംബത്തിനും ലോകമെമ്പാടുമുളള ആരാധകര്ക്കും തന്റെ അനുശോചനമെന്നും പ്രധാനമന്ത്രി കൂട്ടിച്ചേര്ത്തു.
'മില്ഖാ സിംഗ് ഒരു കായിക താരം മാത്രമല്ല, അര്പ്പണബോധവും ഊര്ജ്ജസ്വലതയുംകൊണ്ട് ലക്ഷക്കണക്കിന് ഇന്ത്യക്കാര്ക്ക് പ്രചോദനം നല്കിയയാളാണ്. അദ്ദേഹത്തിന്റെ കുടുംബത്തിനും സുഹൃത്തുക്കള്ക്കും എന്റെ അനുശോചനം. ഇന്ത്യ അദ്ദേഹത്തെ ഓര്ക്കുന്നു' എന്നായിരുന്നു രാഹുല് ഗാന്ധിയുടെ ട്വീറ്റ്.
