തിരുവനന്തപുരം: യോഗ ഒരു ആരോഗ്യ പരിപാലന രീതിയാണ്. അതിനെ മതത്തിന്റെ കള്ളിയിലൊതുക്കി കാണേണ്ടതില്ലെന്ന് മുഖ്യമന്ത്രി പിണറായി വിജയന് പറഞ്ഞു. അന്താരാഷ്ട്ര യോഗാചരണവുമായി ബന്ധപ്പെട്ട വാര്ഷികസമ്മേളനം ഓണ്ലൈനില് ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി.
ആധുനിക യോഗ ആത്മീയമായ ഒന്നല്ല. അതിനെ മതവുമായോ ആത്മീയതയുമായോ ബന്ധപ്പെട്ടു കാണുന്ന രീതി മാറണം. അത് മതപരമോ ആത്മീയമോ അല്ല. അങ്ങനെ മനസ്സിലാക്കാന് ശ്രമിച്ചാല് യോഗാസനത്തിന്റെ സദ്ഫലം വലിയൊരു വിഭാഗം ജനങ്ങള്ക്ക് ലഭിക്കാതെ വരുമെന്നും മുഖ്യമന്ത്രി അഭിപ്രായപ്പെട്ടു. രോഗങ്ങളെ പ്രതിരോധിക്കാനും സമൂഹത്തിലാകെ ശാന്തിയും സമാധാനവും ഉറപ്പുവരുത്താനും യോഗ സഹായിക്കും. ശരീരത്തിന്റേയും മനസ്സിന്റേയും സമതുലിതമായ അവസ്ഥ ഉറപ്പുവരുത്താന് യോഗക്ക് സാധിക്കും. യോഗ എന്ന പദത്തിന്റെ അര്ഥം സൂചിപ്പിക്കുന്നത് അതാണ്. ശരീരത്തിന്റെ ആരോഗ്യം മനസ്സുമായി അഭേദ്യമായി ബന്ധപ്പെട്ടതാണ്.
യോഗ എന്ന പദം അര്ഥമാക്കുന്നതുപോലെ ഒരു സമഗ്ര കാഴ്ചപ്പാട് ഉള്ചേര്ന്നതാണ് ഈ വ്യായാമമുറ. ശരീരത്തിന്റെ ഉര്ജ്ജ നില നിലനിര്ത്താനും സാമൂഹികാരോഗ്യം കൈവരിക്കാനും ഒരേസമയം യോഗകൊണ്ട് സാധിക്കും. ഇത് മുന്നില് കണ്ടാണ് ഐക്യരാഷ്ട്ര സംഘടന ആഗോളതലത്തില് തന്നെ യോഗാ ദിനാചരണം നടത്തുന്നത് എന്നും മുഖ്യമന്ത്രി കൂട്ടിച്ചേര്ത്തു. ഏഴാമത് അന്താരാഷ്ട്ര യോഗാചരണ ദിനമാണ് സംസ്ഥാനത്ത് ഇന്ന് മുഖ്യമന്ത്രി ഉദ്ഘാടനം ചെയ്തത്.