കൊച്ചി: ശാസ്താംകോട്ടയില് ഭര്തൃവീട്ടില് മരിച്ച നിലയില് വിസ്മയ എന്ന പെണ്കുട്ടിയെ കണ്ടെത്തിയ സംഭവത്തില് പ്രതികരണവുമായി ഗായിക സിത്താര കൃഷ്ണകുമാര്. കല്യാണമല്ല ജീവിതത്തിന്റെ ഒരേയൊരു ലക്ഷ്യമെന്നും സ്ത്രീധനം ചോദിക്കുന്നവരെ ജീവിതത്തില് വേണ്ടെന്ന് പറയണമെന്നും സിത്താര ഫേസ്ബുക്കില് കുറിച്ചു. അതോടൊപ്പം കുട്ടികളോട് ക്ഷമിക്കൂ, സഹിക്കൂ എന്നല്ല പറയേണ്ടത്. അവര്ക്ക് നല്ല വിദ്യാഭ്യാസം നല്കുകയാണ് വേണ്ടത്. കൂടാതെ പെണ്കുട്ടികളെ യാത്ര ചെയ്യാനും, സ്വന്തമായി തീരുമാനം എടുക്കുവാനുമാണ് പ്രാപ്തരാക്കേണ്ടത്.
ഫേസ്ബുക്ക് പോസ്റ്റിന്റെ പൂര്ണ രൂപം
പെൺകുഞ്ഞുങ്ങളെ പഠിക്കാൻ അനുവദിക്കൂ, യാത്ര ചെയ്യാൻ അനുവദിക്കൂ, സഹിക്കൂ, ക്ഷമിക്കൂ എന്നുപറഞ്ഞു പഠിപ്പിക്കലല്ല വേണ്ടത്!! ഉള്ളതും ഇല്ലാത്തതുമായ പണംകൊണ്ട് സ്വർണവും പണവും ചേർത്ത് കൊടുത്തയക്കൽ തെറ്റാണെന്ന് എത്ര തവണ പറയണം!! പ്രിയപ്പെട്ട പെൺകുട്ടികളെ....
കല്യാണത്തിനായി സ്വർണം വാങ്ങില്ലെന്ന് നിങ്ങൾ ഉറപ്പിച്ചു പറയൂ , സ്ത്രീധനം ചോദിക്കുന്നവരെ ജീവിതത്തിൽ വേണ്ടെന്ന് പറയൂ, പഠിപ്പും ജോലിയും,പിന്നെ അതിലേറെ സന്തോഷവും സമാധാനവുമാണ് വലുതെന്ന് ഉറക്കെ പറയൂ!!! കല്യാണമല്ല ജീവിതത്തിന്റെ ഒരേയൊരു ലക്ഷ്യം!!
