ഡല്ഹി: കൊവിഡ് മൂലം മരണപ്പെട്ടവരുടെ കുടുംബത്തിന് മതിയായ നഷ്ടപരിഹാരം നല്കാന് കേന്ദ്ര സര്ക്കാര് തയാറാകണമെന്ന് സിപിഎം പോളിറ്റ് ബ്യൂറോ ആവശ്യപ്പെട്ടു. മഹാമാരി മൂലം മരണപ്പെട്ടവരുടെ കുടുംബത്തിന് നഷ്ടപരിഹാരത്തിന് അര്ഹതയില്ല എന്ന നിലപാട് അടിയന്തിരമായി തിരുത്താന് സര്ക്കാര് തയാറാകണം. മഹാമാരിയുടെ കാലത്ത് ഈ വിധം യാഥാസ്ഥിതികമായ സാമ്പത്തിക നിലപാട് സ്വീകരിക്കുന്നതിനെ ന്യായീകരിക്കാനാവില്ല എന്നും സിപിഎം പോളിറ്റ് ബ്യൂറോ ചൂണ്ടിക്കാട്ടി.
രാജ്യത്ത് കോടിക്കണക്കിന് ആളുകള്ക്കാണ് അവരുടെ തൊഴിലും ഉപജീവനമാര്ഗ്ഗങ്ങളും നഷ്ടപ്പെട്ടത്. അത്യന്തം ഗൌരവതരമായ സാമ്പത്തിക പ്രതിസന്ധിയിലൂടെയാണ് ജനങ്ങള് കടന്നുപോകുന്നത്. കഴിഞ്ഞ ഒരു വര്ഷത്തിനുള്ളില് അസംഘടിത മേഖല മുമ്പൊരിക്കലുമില്ലാത്ത തകര്ച്ചയെയാണ് നേരിട്ടത്. ദിവസവേതനക്കാരായ കോടിക്കണക്കിന് തൊഴിലാളികള്ക്കാണ് തൊഴില് നഷ്ടപ്പെട്ടത്. അതുകൊണ്ട് തന്നെ ദുരന്തനിവാരണ നിയമത്തിന്റെ പരിധിയില് കൊണ്ടുവരണമെന്നും സിപിഎം ഉന്നത സമിതി ആവശ്യപ്പെട്ടു.
ദുരന്ത നിവാരണ നിയമപ്രകാരമാണ് കേന്ദ്ര സര്ക്കാര് പ്രവര്ത്തിക്കുന്നത്. അതുകൊണ്ടുതന്നെ ജീവന് നഷ്ടപ്പെട്ടവരുടെ കുടുംബത്തിന് നഷ്ടപരിഹാരം നല്കാന് സര്ക്കാര് ബാധ്യസ്ഥരാണ്. മറിച്ചുള്ള വാദങ്ങള് നിലനില്ക്കില്ല. ബന്ധുക്കള്ക്ക് നഷ്ടപരിഹാരം നല്കുന്നത് സര്ക്കാരിന് വലിയ സാമ്പത്തിക ഞ്ഞെരുക്കമുണ്ടാക്കും എന്ന വാദം വസ്തുതാപരമായി ശരില്ല. ധനക്കമ്മി നിയന്ത്രിക്കാനുള്ള ശ്രമങ്ങള്ക്കാണ് സര്ക്കാര് ഊന്നല് നല്കുന്നത്. ഇത് മാറ്റണമെന്നും സിപിഎം പോളിറ്റ് ബ്യൂറോ ആവശ്യപ്പെട്ടു.