തിരുവനന്തപുരം: കേരളത്തിലും നൂറു കടന്ന് പെട്രോൾ വില. തിരുവനന്തപുരം ജില്ലയിലെ പാറശാലയിലാണ് പെട്രോളിന് വില നൂറു കടന്നത്. ലീറ്ററിന് 100.04 രൂപയാണ് ഇന്നത്തെ വില. 132 ദിവസങ്ങൾ കൊണ്ടാണ് 90ൽനിന്ന് നൂറിലേക്കുള്ള കുതിപ്പ്. പെട്രോളിന് 26 പൈസയും ഡീസലിന് എട്ട് പൈസയുമാണ് ഇന്നു കൂട്ടിയത്. അതേസമയം, തിരുവനന്തപുരം നഗരപരിധിയിൽ പെട്രോളിന് 99.8 രൂപയാണ് വില. കൊച്ചിയിൽ 97.98 രൂപയുംഡീസലിന് 93.10 രൂപയും വിലയും.
സംസ്ഥാനത്ത് നേരത്തെ തന്നെ പ്രീമിയം പെട്രോളിന്റെ വില 100 കടന്നിരുന്നു. 22 ദിവസത്തിനിടെ 12ാം തവണയാണ് ഇന്ധനവില കൂടുന്നത്. തിരുവനന്തപുരം നഗരപ്രദേശങ്ങളില് പെട്രോളിന് വില 99.80 രൂപയാണ് വില. കൊച്ചിയില് പെട്രോളിന് 97.86 രൂപയായി ഉയര്ന്നു. ഡീസലിനും വില വര്ധിപ്പിച്ചിട്ടുണ്ട്. 8 പൈസയാണ് കൂട്ടിയിരിക്കുന്നത്. ഇതോടെ ഒരു ലിറ്റര് ഡീസലിന് തിരുവനന്തപുരത്ത് 95.62 രൂപയും കൊച്ചിയിലെ 94.79യുമാണ് വില.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
രാജസ്ഥാൻ, മധ്യപ്രദേശ്, മഹാരാഷ്ട്ര, ആന്ധ്രപ്രദേശ് എന്നീ സംസ്ഥാനങ്ങളിൽ നേരത്തെ തന്നെ വില 100 കടന്നിരുന്നു. തെരഞ്ഞെടുപ്പിന് മുന്നോടിയായി ഇന്ത്യയില് ഇന്ധനവില വര്ധിപ്പിക്കുന്നത് നിര്ത്തിവെച്ചിരുന്നു. എന്നാല് തെരഞ്ഞെടുപ്പ് ഫല പ്രഖ്യാപനത്തിന് ശേഷം കേരളത്തിലടക്കം വിവിധ സംസ്ഥാനങ്ങളില് വില വര്ധിപ്പിക്കുകയായിരുന്നു. ചില്ലറ ഇന്ധന വിലക്ക് 2018 ഒക്ടോബറിന് ശേഷമുള്ള ഏറ്റവും ഉയർന്ന നിരക്കിലാണുള്ളത്. പെട്രോളിന് അന്ന് 85 രൂപ 99 പൈസ ആയിരുന്നു. ഈ സർവകാല റെക്കോർഡാണ് ഇപ്പോഴത്തെ ഇന്ധന വില മറികടന്നിരിക്കുന്നത്. കൊവിഡ് പ്രതിസന്ധിക്കിടെ മെയ് നാല് മുതലാണ് രാജ്യത്ത് ഇന്ധന വില കൂട്ടാൻ തുടങ്ങിയത്.