കൊച്ചി: രാജ്യദ്രോഹക്കേസില് ചലച്ചിത്ര പ്രവര്ത്തക ഐഷാ സുല്ത്താനക്ക് മുന്കൂര് ജാമ്യം. കേരള ഹൈക്കോടതിയാണ് ജാമ്യം അനുവദിച്ചത്. കഴിഞ്ഞ ദിവസം ഹൈക്കോടതി ഐഷാ സുല്ത്താനക്ക് ഇടക്കാല ജാമ്യം അനുവദിച്ചിരുന്നു.
കവരത്തി പൊലീസ് ഐഷാ സുല്ത്താനയെ രാജ്യദ്രോഹക്കുറ്റവുമായി ബന്ധപ്പെട്ട് മൂന്ന് ദിവസമാണ് ചോദ്യം ചെയ്തത്. അതോടൊപ്പം ഹൈക്കോടതി നല്കിയ ഇളവുകള് ഐഷാ സുല്ത്താന ലംഘിച്ചുവെന്ന് ആരോപിച്ച് ലക്ഷദ്വീപ് ഭരണക്കൂടം ഇന്നലെ കോടതിയെ സമീപിച്ചിരുന്നു. ദുരന്തനിവാരണ അതോറിറ്റിയുടെ നിർദ്ദേശങ്ങൾ ഐഷ പാലിച്ചില്ല. കോടതി നൽകിയ ഇളവുകൾ ദുരുപയോഗം ചെയ്തുവെന്നുമാണ് ദ്വീപ് ഭരണകൂടം കോടതിയിൽ വ്യക്തമാക്കിയത്. ഇത് സംബന്ധിച്ച രേഖകളും ഭരണക്കൂടം കോടതിയില് സമര്പ്പിച്ചിരുന്നു. ഐഷയുടെ സാമ്പത്തിക ഇടപാടുകളും ഫോൺ കോൾ വിവരങ്ങളും പൊലീസ് പരിശോധിക്കുന്നുണ്ട്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ലക്ഷദ്വീപ് വിഷയവുമായി ബന്ധപ്പെട്ട് നടത്തിയ ബയോ വെപ്പണ് പരാമര്ശത്തെ തുടര്ന്നാണ് ഐഷ സുല്ത്താനക്കെതിരെ രാജ്യദ്രോഹക്കുറ്റം കവരത്തി പോലീസ് ചുമത്തിയത്. ലക്ഷദ്വീപ് ജനങ്ങള്ക്കിടയിലേക്ക് ബിജെപി ഉപയോഗിച്ച ബയോ വെപ്പണാണ് പ്രഫുല് പട്ടേല് എന്നായിരുന്നു ഐഷാ സുല്ത്താനയുടെ പരാമര്ശം.
