വ്യാജ ഓൺലൈൻ മദ്യ വിൽപന കമ്പനിയുടെ തട്ടിപ്പിനിരയായെന്ന് ബോളിവുഡ് നടിയും സാമൂഹ്യ പ്രവർത്തകയുമായ ശബാനാ ആസ്മി. ഓൺലൈൻ മദ്യവിൽപന പ്ലാറ്റ്ഫോമായ ലിവിങ്ങ് ലിക്വിഡ്സിന്റെ പേരിലാണ് തട്ടിപ്പ് നടന്നത്. ഓൺലൈൻ വഴി പണം നൽകിയെങ്കിലും ഓർഡർ ലഭിച്ചില്ലെന്ന് ശബാനാ ആസ്മി ട്വീറ്റ് ചെയ്തു. കബളിപ്പിക്കപ്പെട്ടെന്നും പണം നഷ്ടമായെന്നും ശബാന ട്വിറ്ററിൽ കുറിച്ചു. പണം നിക്ഷേപിച്ച അക്കൗണ്ട് നമ്പറും ഐഎഫ്എസ് സി കോഡും ശബാനാ പുറത്തുവിട്ടു. താൻ ഓർഡർ നൽകിയ മൊബൈൽ നമ്പർ ഇപ്പോൾ ഓഫാണെന്നും ശബാന പറഞ്ഞു.
ലിവിങ്ങ് ലിക്വിഡ്സ് ഉടമകളുമായി ബന്ധപ്പെട്ടെന്നും. പണം തട്ടിയവരുമായി ലിവിങ്ങ് ലിക്വിഡ്സിന് ബന്ധമില്ലെന്നും പിന്നീട് ശബാന ട്വിറ്ററിലൂടെ വെളിപ്പെടുത്തി. നല്ല നിലയിൽ പ്രവർത്തിക്കുന്ന കമ്പനികളുടെ പേരിൽ തട്ടിപ്പ് നടത്തുവർക്കെതിരെ പൊലീസ് നടപടി എടുക്കണമെന്നും നടി ആവശ്യപ്പെട്ടു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ബോളിവുഡിലെ കരൺ സിംഗ് ഗ്രോവർ, അക്ഷയ് ഖന്ന നർഗീസ് ഫഖറി എന്നിവരും സമാനമായ രീതിയിൽ ഓൺലൈൻ തട്ടിപ്പിന് ഇരയായിരുന്നു.