കൊച്ചി: കളിയാക്കിയവരുടെ മുന്നില്‍ തലയുയര്‍ത്തിപ്പിടിച്ചുതന്നെ ജീവിച്ചുവെന്ന് കേരളത്തിലെ ആദ്യ ഗേ ദമ്പതികളായ സോനുവും നികേഷും. വിവാഹത്തിന്റെ മൂന്നാം വാര്‍ഷികത്തിലാണ് തങ്ങളുടെ ജീവിതത്തെക്കുറിച്ച് നികേഷ് ഫേസ്ബുക്കില്‍ കുറിച്ചത്. ഇനിയും നിങ്ങള്‍ക്കിടയില്‍ നിങ്ങളില്‍ ഒരാളായി ജീവിക്കും. ഈ ലോകം ഞങ്ങളുടേതുകൂടിയാണ് എന്നും നികേഷ് വ്യക്തമാക്കി.
2018-ലാണ് സോനുവും നികേഷും വിവാഹിതരാവുന്നത്. 2018-ല്‍ വിവാഹിതരായെങ്കിലും സ്വവര്‍ഗ വിവാഹം കുറ്റകരമല്ലെന്ന് സുപ്രീം കോടതി വിധി വന്നതിനു ശേഷം 2019 ലായിരുന്നു ഇരുവരും വിവാഹത്തെക്കുറിച്ച് വെളിപ്പെടുത്തിയത്.
വിവാഹം കഴിച് ഒന്നിച്ചു ജീവിക്കാൻ തുടങ്ങിയിട്ട് ഇന്നേക്ക് 3 വർഷം തികഞ്ഞിരിക്കുന്നു...ഞങ്ങളെ കളിയാക്കിയവരുടെ മുൻപിൽ തല ഉയർത്തിപ്പിടിച്ചു തന്നെ ഞങ്ങൾ ജീവിച്ചു, ഇനിയും ജീവിക്കും ഇവിടെ തന്നെ, നിങ്ങൾക്കിടയിൽ, നിങ്ങളിൽ ഒരാളായി.…ഈ ലോകം ഞങ്ങളുടെത്‌ കൂടിയാണ് എന്നുറക്കെ പറഞ്ഞു കൊണ്ട്...
