ഡല്‍ഹി: കൊറോണ വ്യാപനത്തിന്‍റെ പശ്ചാത്തലത്തില്‍ പ്രധാനമന്ത്രി നരേന്ദ്ര മോദി വിളിച്ചു ചേര്‍ത്ത സംസ്ഥാന മുഖ്യമന്ത്രിമാരുടെ പ്രത്യേക യോഗം നാളെ നടക്കും. വീഡിയോ കോണ്‍ഫ്രന്‍സ് വഴിയാണ് യോഗം നടക്കുന്നത്. രാജ്യത്ത് കൊറോണ വ്യാപനം തടയുന്നതിനാവശ്യമായ മുകരുതലുകളും ജാഗ്രതയും തന്നെയാണ് യോഗത്തിന്‍റെ പ്രധാന അജണ്ട.
കൊറോണ വ്യാപനത്തിന്‍റെ മൂന്നാം ഘട്ടമായ സാമൂഹ്യവ്യാപന ഘട്ടം ഏറെ അപകടകരമായ സമയമാണ്.വലിയൊരു വിഭാഗം ആളുകളിലേക്ക്‌ രോഗം പകരാന്‍ സാധ്യതയുള്ള ഈ ഘട്ടത്തെ എങ്ങനെ നേരിടാം എന്ന ആസൂത്രണത്തിലാണ് കേന്ദ്ര - സംസ്ഥാന സര്‍ക്കാരുകള്‍. ഫലപ്രദമായി ഈ ഘട്ടത്തെ നേരിടാനായില്ലെങ്കില്‍ പ്രത്യാഘാതം ഗുരുതരമായിരിക്കുമെന്നാണ് ആരോഗ്യ മേഖലയില്‍ നിന്നുള്ളവര്‍ നല്‍കുന്ന മുന്നറിയിപ്പ്. ഈ ഘട്ടത്തെ നേരിടുന്നതിന് വിവിധ സംസ്ഥാനങ്ങള്‍ സ്വീകരിച്ച നടപടികള്‍, ഇനി സ്വീകരിക്കേണ്ട നടപടികള്‍, ജനങ്ങളുടെ ഇടപ്ഴകളും സഞ്ചാരവും മൂന്നാം ഘട്ടത്തില്‍ എങ്ങനെ നിയന്ത്രണത്തില്‍ നിര്‍ത്തും തുടങ്ങുയ കാര്യങ്ങള്‍ വിശദമായി യോഗം വിലയിരുത്തും.
മൂന്നാം ഘട്ട വ്യാപനം തടയാന്‍ സംസ്ഥാനങ്ങളും കേന്ദ്രവും നടത്തുന്ന പ്രവര്‍ത്തനങ്ങളുടെ മികച്ച എകോപനം തന്നെയായിരിക്കും പ്രധാനമന്ത്രി വിളിച്ചു ചേര്‍ത്ത മുഖ്യമന്ത്രിമാരുടെ യോഗത്തിന്‍റെ പ്രധാന അജണ്ട
