ലക്‌നൗ: ഉത്തര്‍പ്രദേശില്‍ വീണ്ടും ദളിത് യുവാവിനുനേരേ ആള്‍ക്കൂട്ട ആക്രമണം. കാണ്‍പൂരിലെ ദൊഹാദ് ജില്ലയിലാണ് ഇരുപതുകാരന്‍ ആള്‍ക്കൂട്ട മര്‍ദ്ദനത്തിനിരയായത്. യുവാവിനെ ഒരുകൂട്ടം ആളുകള്‍ തലമുടി പിടിച്ച് വലിച്ചിഴയ്ക്കുകയും വടികൊണ്ട് അടിക്കുകയും ചവിട്ടുകയും ചെയ്യുന്ന ദൃശ്യങ്ങള്‍ പുറത്തായതോടെയാണ് വിവരം പുറംലോകമറിയുന്നത്.
യുവാവിനെ ആക്രമിക്കുന്നിതിനിടയില്‍ കൂട്ടത്തിലൊരാള്‍ ജാതി ചോദിക്കുന്നുണ്ട്. അവന്‍ ഒരു പ്രത്യേക സമുദാത്തിലേതാണെന്ന് പറയുമ്പോള്‍ മുതല്‍ പീഡനം കടുപ്പിക്കുന്നതും വീഡിയോയില്‍ കാണാം. സംഭവത്തില്‍ ഒരാളെ അറസ്റ്റ് ചെയ്തതായും മറ്റ് കുറ്റവാളികളെ കണ്ടെത്താന്‍ ശ്രമം നടക്കുന്നുണ്ടെന്നും സംഘത്തിലെ മറ്റുളളവരെ കണ്ടെത്താനായി പ്രത്യേകം സംഘങ്ങളെ രൂപീകരിച്ചിട്ടുണ്ടെന്ന് കാണ്‍പൂര്‍ ദേഹാട്ട് അഡീഷണല്‍ എസ്പി ഘനശ്വാം ചൗരസ്യ പറഞ്ഞു.
നേരത്തേ ലഖിംപൂര്‍ ഖേരിയില്‍ സമാജ് വാദി പ്രവര്‍ത്തകയെ മാനഭംഗപ്പെടുത്താനും ശ്രമം നടന്നിരുന്നു. ഉത്തര്‍പ്രദേശിലെ തദ്ദേശ തെരഞ്ഞെടുപ്പിനായി നാമനിര്‍ദേശപത്രിക സമര്‍പ്പിച്ച് തിരികെ വരുന്നതിനിടെ സ്ത്രീയെ വിവസ്ത്രയാക്കി പീഡിപ്പിക്കാനുളള ശ്രമം നടന്നത്. ഉത്തര്‍പ്രദേശില്‍ ദളിതര്‍ക്കും സ്ത്രീകള്‍ക്കുമെതിരെ കുറ്റകൃത്യങ്ങളും ആള്‍ക്കൂട്ട ആക്രമണങ്ങളും കൂടിവരികയാണ്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
