വളരെ നല്ല രീതിയിലാണ് പ്രതിപക്ഷം പ്രവര്ത്തിക്കുന്നതെന്ന് രാഷ്ട്രീയം നിരീക്ഷിക്കുന്നവര്ക്ക് മനസിലാകും. രണ്ടാമത്തെ തവണയും പരാജയം നേരിടേണ്ടി വന്ന കോണ്ഗ്രസ് പ്രവര്ത്തകരെ സംബന്ധിച്ചിടത്തോളം പുതിയ നേതൃത്വത്തിന്റെ കീഴില് നിരാശജനകമായ അന്തരീക്ഷം മാറുന്ന സാഹചര്യമുണ്ടായിട്ടുണ്ട്.
ആര്.എസ്.പിയില് പ്രതിസന്ധി ഉണ്ടാക്കില്ല. കോണ്ഗ്രസ് സമയബന്ധിതമായി കാര്യങ്ങള് തീരുമാനിക്കണം. ചവറയില് പരാജയപ്പെട്ടതിന് വ്യക്തമായ കാരണമുണ്ട്. അരാഷ്ട്രീയ കാര്യങ്ങള് കൊണ്ട് കൂടിയാണ് ചവറയില് തോല്വി സംഭവിച്ചത്. ആളുകള് പാര്ട്ടിക്ക് പകരം, സമുദായം നോക്കിയാണ് വോട്ട് ചെയ്തത്.
തെരുവിൽ വീണ ചോരയുടെ ശബ്ദം നിയമസഭയിൽ ഉയരുമെന്ന് കെ. കെ. രമ പറഞ്ഞു. നിയമസഭാ സാമാജികത്വം അഭിമാന മുഹൂർത്തമാണ്. ഇനിയുള്ള ജീവിതവും പോരാട്ടവും വടകരയിലെ ജനങ്ങള്ക്ക് വേണ്ടിയാണ്. വലിയ ഉത്തരവാദിത്തമാണ് ഏറ്റെടുത്തിരിക്കുന്നത്. ദൗത്യം നീതിപൂർവം നിർവഹിക്കുമെന്നും രമ പറഞ്ഞു.