ബെയ്ജിംഗ്: ചൈനീസ് കമ്മ്യൂണിസ്റ്റ് പാര്ട്ടിയില് അംഗമാവാന് ആഗ്രഹിക്കുന്നതായി ആക്ഷന് ഹീറോ ജാക്കി ചാന്. ബെയ്ജിംഗില് നടന്ന പാര്ട്ടി പൊതുസമ്മേളനത്തിലാണ് ജാക്കി ചാന് പാര്ട്ടിയില് ചേരാനുളള താല്പ്പര്യം പ്രകടിപ്പിച്ചത്. ചൈനീസ് കമ്മ്യൂണിസ്റ്റ് പാര്ട്ടിയുടെ ശതാബ്ദിയോടനുബന്ധിച്ച് സിനിമാരംഗത്തെ പ്രമുഖരെ പങ്കെടുപ്പിച്ചുളളതായിരുന്നു സിംപോസിയം.
വാഗ്ദാനം ചെയ്യുന്നതെല്ലാം നിറവേറ്റുന്ന കമ്മ്യൂണിസ്റ്റ് പാര്ട്ടിയുടെ മഹത്വം തനിക്ക് മനസിലാക്കാന് സാധിക്കുമെന്ന് ജാക്കി ചാന് പറഞ്ഞതായി ഗ്ലോബല് ടൈംസ് പത്രം റിപ്പോര്ട്ട് ചെയ്തു. ചൈന ഫിലിം അസോസിയേഷന് വൈസ് ചെയര്മാന് കൂടിയാണ് ജാക്കി ചാന്. വര്ഷങ്ങളായി ചൈനീസ് കമ്മ്യൂണിസ്റ്റ് പാര്ട്ടിയെ പിന്തുണയ്ക്കുന്ന താരം, പാര്ട്ടിയുടെ ഉപദേശക സമിതിയില് അംഗം കൂടിയാണ്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ജാക്കി ചാന് 2019-ല് ഹോങ്കോങ്ങിലെ ചൈന വിരുദ്ധ ജനാധിപത്യസമരങ്ങള്ക്ക് പിന്തുണ പ്രഖ്യാപിച്ചത് വന് വിമര്ശനങ്ങള്ക്കിടയാക്കിയിരുന്നു.