ഡല്ഹി: ഇസ്രായേല് ചാര സോഫ്റ്റ് വെയറായ പെഗാസസ് ഉപയോഗിച്ച് രാജ്യത്തെ മന്ത്രിമാരുള്പ്പെടെയുളളവരുടെ ഫോണുകള് ചോര്ത്തിയ വിഷയത്തില് പ്രതികരണവുമായി രാഹുല് ഗാന്ധി. ഞങ്ങളുടെ ഫോണുകളിലുളളതെല്ലാം അയാള് വായിക്കുന്നുണ്ടെന്ന് ഞങ്ങള്ക്കറിയാം എന്നായിരുന്നു രാഹുല് ഗാന്ധിയുടെ ട്വീറ്റ്. മൂന്ന് ദിവസം മുന്പ് പോസ്റ്റ് ചെയ്ത ഒരു ട്വീറ്റിനെ റീട്വീറ്റ് ചെയ്തായിരുന്നു രാഹുല് ഗാന്ധിയുടെ പുതിയ ട്വീ്റ്റ്. ഈ ദിവസങ്ങളില് നിങ്ങളെന്താണ് വായിക്കുന്നതെന്ന് ഞാന് ആശ്ചര്യപ്പെടുന്നു എന്നായിരുന്നു രാഹുലിന്റെ ആദ്യത്തെ ട്വീറ്റ്.
പെഗാസസ് ഉപയോഗിച്ച് രണ്ട് കേന്ദ്രമന്ത്രിമാര്, പ്രതിപക്ഷ നേതാക്കള്, നിക്ഷേപകര്, സര്ക്കാരിലെ തന്നെ ഉന്നത ഉദ്യോഗസ്ഥര്, മാധ്യമപ്രവര്ത്തകര്, ശാസ്ത്രജ്ഞര്, ആക്ടിവിസ്റ്റുകള് തുടങ്ങിവരുടെ വിവരങ്ങള് ചോര്ത്തിയതായി അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്തിരുന്നു. എന്നാല് ആരോപണങ്ങള് പൂര്ണമായും നിഷേധിക്കുകയാണ് കേന്ദ്രസര്ക്കാര്. അനധികൃതമായ ഒരു കടന്നുകയറ്റവും നടന്നിട്ടില്ല. ഒന്നും മറച്ചുവയ്ക്കാനില്ലാത്തതിനാല് സര്ക്കാരിന് ഭയമില്ല എന്ന് ഇലക്ട്രോണിക്സ്, ഇന്ഫോര്മേഷന് ടെക്നോളജി മന്ത്രാലയം വ്യക്തമാക്കി.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
സംഭവത്തില് പ്രതിപക്ഷ പാര്ട്ടികള് പാര്ലമെന്റിന്റെ ഇരു സഭകളിലും അടിയന്തര പ്രമേയത്തിന് നോട്ടിസ് നല്കി. ലോക് സഭയിലും രാജ്യസഭയിലും സമ്മേളനം നിര്ത്തിവെച്ച് വിഷയം ചര്ച്ച ചെയ്യണമെന്നാണ് പ്രതിപക്ഷ പാര്ട്ടികളുടെ ആവശ്യം. സിപിഐ എം.പി ബിനോയ് വിശ്വം രാജ്യസഭയിലും, എന്. കെ പ്രേമചന്ദ്രന് എം.പി ലോക്സഭയിലുമാണ് നോട്ടീസ് നല്കിയിരിക്കുന്നത്.
