ഡല്ഹി: ഇസ്രായേല് ചാര സോഫ്റ്റ് വെയറായ പെഗാസസ് ഉന്നമിട്ടവരില് കോണ്ഗ്രസ് നേതാവ് രാഹുല് ഗാന്ധിയും രാഷ്ട്രീയ തന്ത്രജ്ഞന് പ്രശാന്ത് കിഷോറും. ദി വയര് ആണ് സുപ്രധാന വാര്ത്ത വെളിപ്പെടുത്തിയിരിക്കുന്നത്. രാഹുല് ഗാന്ധിയെയും പ്രശാന്ത് കിഷോറിനെയും കൂടാതെ മമതാ ബാനര്ജിയുടെ സഹോദരീപുത്രന് അഭിഷേക് ബാനര്ജി, കേന്ദ്രമന്ത്രിമാരായ അശ്വിനി വൈഷ്ണവ്, പ്രഹ്ലാദ് പട്ടേല് എന്നിവരുടെ ഫോണ് സംഭാഷണങ്ങളും പെഗാസസ് ചോര്ത്തിയിട്ടുണ്ട്.
പെഗാസസ് ചോര്ത്തിയ 300 നമ്പറുകളില് മൂന്ന് പ്രധാന പ്രതിപക്ഷ നേതാക്കളും, രണ്ട് കേന്ദ്രമന്ത്രിമാരും, സര്ക്കാര് ഉദ്യോഗസ്ഥരും വ്യവസായികളും മാധ്യമപ്രവര്ത്തകരുമെല്ലാം ഉള്പ്പെട്ടിട്ടുണ്ടെന്നാണ് ദി വയര് പുറത്തുവിട്ട റിപ്പോര്ട്ടില് നിന്ന് വ്യക്തമാവുന്നത്. 2019-ലെ തെരഞ്ഞെടുപ്പിനുമുന്നോടിയായി 2018-19 വര്ഷത്തിലാണ് പട്ടികയിലുളള മിക്കവരുടെയും ഫോണ് കോളുകള് ചോര്ത്തിയിട്ടുളളതെന്നും വയര് വ്യക്തമാക്കുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, ഫോണ് ചോര്ത്തല് വിഷയത്തില് കേന്ദ്രത്തെ പരിഹസിച്ച് രാഹുല് ഗാന്ധി രംഗത്തെത്തിയിരുന്നു. ഞങ്ങളുടെ ഫോണുകളിലുളളതെല്ലാം അയാള് വായിക്കുന്നുണ്ടെന്ന് ഞങ്ങള്ക്കറിയാം എന്നായിരുന്നു രാഹുല് ഗാന്ധിയുടെ ട്വീറ്റ്. മൂന്ന് ദിവസം മുന്പ് പോസ്റ്റ് ചെയ്ത ഒരു ട്വീറ്റിനെ റീട്വീറ്റ് ചെയ്തായിരുന്നു രാഹുല് ഗാന്ധിയുടെ പുതിയ ട്വീ്റ്റ്. ഈ ദിവസങ്ങളില് നിങ്ങളെന്താണ് വായിക്കുന്നതെന്ന് ഞാന് ആശ്ചര്യപ്പെടുന്നു എന്നായിരുന്നു രാഹുലിന്റെ ആദ്യത്തെ ട്വീറ്റ്.
