ഹയര്‍സെക്കന്‍ഡറി സ്കൂള്‍ പരീക്ഷാ ഫലം ഇന്ന്

തിരുവനന്തപുരം: ഈ വർഷത്തെ ഹയർസെക്കന്ററി/ വൊക്കേഷണൽ ഹയർ സെക്കന്ററി പരീക്ഷാഫലം ഇന്നറിയാം. വൈകീട്ട് 3 മണിക്ക് വിദ്യാഭ്യാസ മന്ത്രി വി. ശിവന്‍കുട്ടി പി ആര്‍ ചേമ്പറിലാണ് പ്രഖ്യാപനം നടത്തുക. പ്രഖ്യാപന ശേഷം വൈകീട്ട് 4 മണിയോടെ വിവിധ ആപ്പുകളിലൂടെ വിദ്യാര്‍ഥികള്‍ക്ക് പരീക്ഷാ ഫലം അറിയാനാകും.

പി.ആർ.ഡി ലൈവ്’ മൊബൈൽ ആപ്പിലൂടെ വേഗത്തിലറിയാം.  ഔദ്യോഗിക ഫലപ്രഖ്യാപനത്തിനുശേഷം വൈകിട്ട് നാല് മണി മുതൽ ആപ്പിൽ ഫലം ലഭ്യമാകും. ഹോം പേജിലെ ലിങ്കിൽ രജിസ്റ്റർ നമ്പർ മാത്രം നൽകിയാലുടൻ വിശദമായ ഫലം ലഭിക്കും. ഇൻഫർമേഷൻ പബ്ലിക് റിലേഷൻസ് വകുപ്പിന്റെ ഔദ്യോഗിക മൊബൈൽ ആപ്പായ ‘പി.ആർ.ഡി ലൈവ്’ ഗൂഗിൾ പ്ലേ സ്റ്റോറിലും ആപ്പ് സ്റ്റോറിലും ലഭ്യമാണ്. www.keralaresults.nic.in , www.dhsekerala.gov.in , www.prd.kerala.gov.in ,  www.results.kite.kerala.gov.in, www.kerala.gov.in തുടങ്ങിയ വെബ്സൈറ്റുകള്‍ വഴി ഫലമറിയാനാകും. 

വിവിധ ആപ്പുകള്‍ വഴിയും ഹയർസെക്കന്ററി/ വൊക്കേഷണൽ ഹയർ സെക്കന്ററി പരീക്ഷാഫലം അറിയാന്‍ കഴിയും. saphalam2021, iExaMS Kerala തുടങ്ങിയ ആപ്പുകള്‍ റിസള്‍ട്ട് പുറത്തുവിടും. ഇത്തവണ 4,46,471 കുട്ടികളാണ് പ്ലസ് ടൂ പരീക്ഷ എഴിതിയത്. 28,565 വിദ്യാര്‍ത്ഥികളാണ് /വൊക്കേഷണൽ ഹയർ സെക്കന്ററി വിഭാഗത്തില്‍ പരീക്ഷ എഴുതിയത്.

മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക