ശതകോടിശ്വരുടെ പട്ടികയില് ഇടം പിടിച്ച് പോപ് ഗായിക റിഹാന. ലോകത്തിലെ ഏറ്റവും ധനികയായ ഗായികയാണിവര്. റിഹാനയുടെ സ്വത്ത് സംബന്ധിച്ച വിവരങ്ങള് പുറത്ത് വിട്ടിരിക്കുന്നത് ഫോബ്സാണ്. ഈ റിപ്പോര്ട്ടില് വ്യകതമാക്കിയിരിക്കുന്നത് അനുസരിച്ച് 1.7 ബില്ല്യണ് ഡോളറാണ് അവരുടെ സമ്പത്ത്. അതായത് ഇന്ത്യന് രൂപയില് 170 കോടി.
എന്നാല് സംഗീതത്തില് നിന്ന് മാത്രമല്ല റിഹാന ശതകോടിശ്വരിയായത്. മറിച്ച് അവരുടെ വസ്ത്ര വ്യാപാര ബ്രാന്ഡായ സാവേജ് എക്സ് ഫെന്റി, സൗന്ദര്യ വര്ദ്ധക ബ്രാന്ഡായ ഫെന്റി ബ്യൂട്ടി എന്നിവയില് നിന്ന് കൂടിയാണ്. ഓപ്ര വിന്ഫ്രേക്ക് ശേഷം രണ്ടാമത്തെ ഏറ്റവും ധനികയായ വനിതാ എന്റർടെയ്നറായും റിഹാനമാറി. എന്നാല് തന്റെ വരുമാനത്തെ കുറിച്ച് കൃത്യമായ കണക്ക് വിവരം പുറത്ത് വിടാന് താത്പര്യമില്ലെന്ന് താരം നേരത്തെ വ്യക്തമാക്കിയിട്ടുണ്ട്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
റിഹാന ബാർബഡോസ് വംശജയാണ്. 33കാരിയായ താരം സാമൂഹിക മധ്യമങ്ങളില് സജീവമാണ്. ഇവർക്ക് ഇൻസ്റ്റാഗ്രാമിൽ 101 ദശലക്ഷം ഫോളോവേഴ്സും ട്വിറ്ററിൽ 102.5 ദശലക്ഷം ഫോളോവേഴ്സും ഉണ്ട്. അതുകൊണ്ട് തന്നെ റിഹാനയുടെ ബ്യൂട്ടി ബ്രാന്ഡിന് വളരെ വേഗം പ്രചാരം ലഭിക്കാന് ഇത് സഹായകമായിരുന്നു. 2016 ലെ ആന്റിക്ക് ശേഷം പുതിയ ആല്ബം റിഹാന ഇതുവരെ പുറത്തിറക്കിയിട്ടില്ല.
കര്ഷകരെ അനുകൂലിച്ചുകൊണ്ട് റിഹാനയുടെ ട്വീറ്റ് കര്ഷകരുടെ സമരത്തിന് ആഗോളതലത്തില് ശ്രദ്ധ നേടിക്കൊടുത്തിരുന്നു. തുടര്ന്ന് നിരവധി പ്രമുഖര് കര്ഷകര്ക്ക് ഐക്യദാര്ഢ്യം പ്രഖ്യാപിച്ച് രംഗത്തെത്തിയിരുന്നു. എന്തുകൊണ്ടാണ് നമ്മള് ഇതിനെപ്പറ്റി സംസാരിക്കാത്തത് എന്നായിരുന്നു റിഹാനയുടെ ട്വീറ്റ് ചെയ്തത്.
