ഡല്‍ഹി: സ്വാതന്ത്ര്യ ദിനത്തോടനുബന്ധിച്ചുള്ള രാഷ്ട്രപതിയുടെ വിശിഷ്ട സേവനത്തിനുള്ള പോലീസ് മെഡല്‍ പ്രഖ്യാപിച്ചു. 11 മെഡലുകളാണ് കേരളത്തിന് ലഭിച്ചത്. വിശിഷ്ട സേവനത്തിനുള്ള ഒരു മെഡലും, സ്തുത്യര്‍ഹ സേവനത്തിനുള്ള 10 മെഡലുകളുമാണ് സംസ്ഥാനത്തിന് ലഭിച്ചിരിക്കുന്നത്. എഡിജിപി യോഗേഷ്‌ ഗുപ്‌തയാണ് വിശിഷ്ട സേവനത്തിനുള്ള മെഡലിന് അർഹനായത്.
ജി സ്പർജൻ കുമാർ, ടി കൃഷ്ണ കുമാർ, ടോമി സെബാസ്റ്റ്യൻ, അശോകൻ അപ്പുക്കുട്ടൻ, അരുൺ കുമാർ സുകുമാരൻ, ഡി സജി കുമാർ, ഗണേശൻ വി കെ, സിന്ധു വി പി, സന്തോഷ് കുമാർ എസ്, സി എം സതീശൻ, എന്നിവരാണ് സ്തുത്യർഹ സേവനത്തിനുള്ള മെഡൽ അര്‍ഹരായത്. അഗ്നി ശമന സേനാംഗങ്ങൾക്കുള്ള മെഡലിന് കേരളത്തിലെ അഞ്ച് ഉദ്യോഗസ്ഥർ അർഹരായി.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഇന്ത്യയിലെ നിയമപാലകർക്ക് നൽകുന്ന അംഗീകാരമാണ് രാഷ്ട്രപതിയുടെ പോലീസ് മെഡൽ. 1951 മാർച്ച് 1-നാണ് ഇത്തരത്തിലൊരു അവാര്‍ഡ്‌ നല്‍കി തുടങ്ങിയത്. ആദ്യം ഇതിനെ ഫയർ സർവീസ് മെഡൽ എന്നാണ് വിളിച്ചിരുന്നത്. ധീരതയ്‌ക്കോ വിശിഷ്ട സേവനത്തിനോ ആണ് മെഡൽ നൽകുന്നത്. എല്ലാ വർഷവും റിപ്പബ്ലിക് ദിനത്തിലും സ്വാതന്ത്ര്യദിനത്തിലും മെഡൽ നൽകും.
