തിരുവനന്തപുരം: ഇന്ത്യന് സ്വാതന്ത്ര്യസമരത്തിന്റെ ഉല്പ്പന്നമാണ് ഇന്ത്യയിലെ കമ്മ്യൂണിസ്റ്റ് പാര്ട്ടി അടക്കമുളള പ്രസ്ഥാനങ്ങളെന്ന് സിപിഎം പൊളിറ്റ് ബ്യൂറോ അംഗം എം. എ. ബേബി. ബ്രിട്ടീഷുകാരുടെയും അവരുടെ കൂട്ടാളികളുടെയും അതിരൂക്ഷമായ അടിച്ചമര്ത്തലുകള് നേരിട്ടുകൊണ്ടാണ് കമ്മ്യൂണിസ്റ്റുകാര് ഇന്ത്യയിലെ മറ്റ് പ്രസ്ഥാനങ്ങളോടൊപ്പം പോരാടിയതെന്ന് എം. എ. ബേബി പറഞ്ഞു. ഫേസ്ബുക്കിലൂടെയായിരുന്നു എം. എ. ബേബിയുടെ പ്രതികരണം.
ഇന്ത്യയിലെ ജനങ്ങൾ നടത്തിയ അതിദീർഘവും ത്യാഗോജ്ജ്വലവുമായ കോളനി വിരുദ്ധ സമരത്തിൻറെ ഫലമാണ് നാം ഇന്ന് ജീവിക്കുന്ന സ്വതന്ത്ര ഇന്ത്യ എന്ന് എം. എ. ബേബി പറഞ്ഞു. ഇന്ത്യയുടെ സ്വാതന്ത്ര്യസമരത്തിൽ ഒരിക്കലും പങ്കെടുക്കാത്ത ഒരു വിഭാഗം ആർ എസ് എസ് നിയന്ത്രണത്തിലുള്ള സംഘടനകൾ ആയിരുന്നുവെന്നും അദ്ദേഹം പറഞ്ഞു.
അവർ ഇന്ന് ഇന്ത്യയുടെ കോളനി വിരുദ്ധ സമരത്തിൻറെ പാരമ്പര്യത്തെ വളച്ചൊടിച്ച് സ്വന്തം കൈപ്പിടിയിൽ ആക്കാൻ നോക്കുമ്പോൾ മറ്റ് അഭിപ്രായ വ്യത്യാസങ്ങൾക്കുപരിയായി കോളനി വിരുദ്ധ സമരത്തിൻറെ പാരമ്പര്യത്തെ പുരോഗമനവാദികൾ ഉയർത്തിപ്പിടിക്കേണ്ടിയിരിക്കുന്നുവെന്നും അദ്ദേഹം കൂട്ടിച്ചേര്ത്തു.