തിരുവനന്തപുരം: ഡിസിസി പുനസംഘടനയുമായി ഉയര്ന്നു വരുന്ന ആരോപണങ്ങളില് അഭിപ്രായം പറയാനില്ലെന്ന് ശശി തരൂര് എം.പി. താന് ആര്ക്കെതിരെയും ഒരു നിലപാടും സ്വീകരിച്ചിട്ടില്ല. പുനസംഘടനാ ലിസ്റ്റുമായി ബന്ധപ്പെട്ട് ഉയര്ന്നുവരുന്ന പ്രശ്നങ്ങള് രമ്യതയില് അവസാനിക്കുമെന്നാണ് കരുതുന്നത്. പാര്ട്ടിയുടെ തീരുമാനം എന്താണെങ്കിലും നൂറ് ശതമാനം പിന്തുണ നല്കുമെന്നും ശശി തരൂര് കൂട്ടിച്ചേര്ത്തു.
അതേസമയം, മികച്ച സംഘാടക ശേഷിയുള്ളവരെയാണ് ഡിസിസി അധ്യക്ഷ സ്ഥാനത്തേക്ക് പരിഗണിച്ചിരിക്കുന്നതെന്നും, മുതിര്ന്ന നേതാക്കളുമായി നടത്തിയ ചര്ച്ചയുടെ അടിസ്ഥാനത്തിലാണ് പട്ടിക തയാറാക്കിയത് എന്നും കെപിസിസി പ്രസിഡന്റ് കെ. സുധാകരന് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഡിസിസി അധ്യക്ഷന്മാരുടെ ലിസ്റ്റ് പാര്ട്ടിയില് പുതിയ ഗ്രൂപ്പുണ്ടാക്കാനുള്ള ശ്രമമാണെന്ന് കോണ്ഗ്രസ് നേതാക്കളായ ഉമ്മന്ചാണ്ടിയും, രമേശ് ചെന്നിത്തലയും ആരോപിച്ചിരുന്നു. കൂടിയാലോചനകളില്ലാതെ ഇത്തരം തീരുമാനങ്ങള് എടുക്കുന്നത് പാര്ട്ടിയെ തകര്ക്കുമെന്നും ഇരുവരും കൂട്ടിച്ചേര്ത്തു. കേരളത്തിലെ ഡിസിസി അധ്യക്ഷന്മാരുടെ ലിസ്റ്റില് പരമാവധി യുവാക്കളെ ഉള്പ്പെടുത്തണമെന്നാണ് ഹൈക്കമാന്റ് നിര്ദേശം നല്കിയിരിക്കുന്നത്. സാമുദായിക പരിഗണനയോടൊപ്പം പ്രവര്ത്തനങ്ങളെ ഏകോപിപ്പിക്കാന് കഴിവുള്ളവരായിരിക്കണമെന്നും ഹൈക്കമാന്റിന്റെ നിര്ദേശത്തില് വ്യക്തമാക്കിയിട്ടുണ്ട്.