തിരുവനന്തപുരം : കോറോണാ ജാഗ്രതയുടെ ഭാഗമായി സ്വന്തം വീടുകളില്‍ കഴിയുന്നവരെ സഹായിക്കാന്‍ ഡി.വൈ.എഫ്.ഐ ''ഞങ്ങളുണ്ട് കൂടെ'' എന്ന പേരില്‍ കണ്‍ട്രോള്‍ റൂമുകള്‍ ആരംഭിച്ചു. ഒറ്റപ്പെട്ടുപോകുന്നവരേ സഹായിക്കാനും മരുന്നും മറ്റ് അവശ്യവസ്തുക്കളും വീടുകളിലെത്തിക്കാനും ഡി.വൈ.എഫ്.ഐ പ്രവര്‍ത്തകര്‍ സദാ കൂട്ടിനുണ്ടാകും. സംസ്ഥാനത്തിന്‍റെ ഏതുഭാഗത്തു നിന്നു വിളിച്ചാലും സഹായം ലഭിക്കുമെന്ന് ഡി.വൈ.എഫ്.ഐ സംസ്ഥാന സെക്രട്ടറി എ.എ.റഹീം പറഞ്ഞു.
സാമ്പത്തികമായും സാമൂഹികമായുമുള്ള സഹായങ്ങള്‍ക്ക് പുറമേ ഒറ്റപ്പെട്ടുപോകുന്ന എതു പ്രായത്തിലുമുള്ള ആളുകള്‍ക്ക് മാനസികാരോഗ്യ വിദഗ്ദരുടെ സഹായം ലഭ്യമാക്കാനും ഡി.വൈ.എഫ്.ഐ പ്രത്യേകം സജീകരണങ്ങള്‍ ഒരുക്കിയിട്ടുണ്ടെന്ന് ഭാരവാഹികള്‍ വ്യക്തമാക്കി.
'ഞങ്ങളുണ്ട് കൂടെ'- കണ്‍ട്രോള്‍ റൂമിലേക്ക് വിളിക്കേണ്ട നമ്പരുകള്‍: 9895 858 666, 9895 868 666, 8590 025 849 , 8590 018 240 എന്നിവയാണ്.
