കൊച്ചി: കേരളത്തില് നിന്ന് നോക്കുകൂലി സമ്പ്രദായം തുടച്ച് നീക്കണമെന്ന് ഹൈക്കോടതി. ഇത്തരണം പ്രവണതകള് സമൂഹത്തിന്റെ പ്രതിച്ഛായ തകര്ക്കുകയാണെന്നും കോടതി കൂട്ടിച്ചേര്ത്തു. അതോടൊപ്പം, നോക്കുകൂലി കേരളത്തെപ്പറ്റി തെറ്റായ ധാരണകള് പരത്തുന്നുവെന്നും ജസ്റ്റിസ് ദേവന് രാമചന്ദ്രന് പറഞ്ഞു.
ചുമട്ടുതൊഴിലാളികളുടെ അവകാശങ്ങള് സംരക്ഷിക്കപ്പെടണം. എന്നാല് ഇത്തരം മാര്ഗങ്ങളിലൂടെ അവകാശ സംരക്ഷണമെന്ന പേരില് നടക്കുന്ന ചൂഷണം കണ്ടില്ലെന്നു നടിക്കാനാവില്ലെന്നും കോടതി വ്യക്തമാക്കി. ചുമട്ടുതൊഴിലാളികളുടെ അവകാശങ്ങള് സംരക്ഷിക്കുന്നതിനുള്ള നിയമവ്യവസ്ഥ ജനാധിപത്യ രാജ്യമായ ഇന്ത്യയില് നിലവിലുണ്ടെന്നും കോടതി കൂട്ടിച്ചേര്ത്തു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
നോക്കുകൂലിയുമായി ബന്ധപ്പെട്ട പൊലീസ് സംരക്ഷണ ഹര്ജികള് അനുദിനം കൂടി വരികയാണെന്നും കോടതി പറഞ്ഞു. നോക്കുകൂലിക്കെതിരെ പൊലീസ് സംരക്ഷണം ആവശ്യപ്പെട്ടുള്ള ഹരജി പരിഗണിക്കുമ്പോഴായിരുന്നു കോടതിയുടെ വിമര്ശനം.
