ബുവനേശ്വര്‍: ആനയെ രക്ഷിക്കുന്നത് റിപ്പോര്ട്ട് ചെയ്യുന്നതിനിടെ ബോട്ട് മറിഞ്ഞ് മാധ്യമപ്രവര്‍ത്തകന്‍ മരിച്ചു. ഒഡീഷയിലെ പ്രമുഖ മാധ്യമപ്രവര്‍ത്തകന്‍ അരിന്ദം ദാസാണ് മരിച്ചത്. നദിയിലെ ശക്തമായ ഒഴുക്കാണ് ബോട്ട് മറിയാന്‍ കാരണമായതെന്ന് പൊലീസ് പറഞ്ഞു. അരിന്ദം ദാസിനൊപ്പം ബോട്ടിലുണ്ടായിരുന്ന ഒഡീഷ ഡിസാസ്റ്റര്‍ റാപ്പിട് ആക്ഷന്‍ ഫോഴ്‌സ് ഉദ്യോഗസ്ഥരെയും ക്യാമറാമാനെയും കട്ടക്ക് ജില്ലയിലെ എസ് സി ബി മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ഇവരുടെ നില ഗുരുതരമായി തുടരുകയാണെന്ന് ആശുപത്രി അധികൃതര്‍ അറിയിച്ചു.
മഹാനദിയില്‍ കുടുങ്ങിയ ആനയുടെ രക്ഷാപ്രവര്‍ത്തനം റിപ്പോര്ട്ട് ചെയ്യാന്‍ വെളളിയാഴ്ച്ച രാവിലെയാണ് അരിന്ദം ദാസ് മഹാനദിയുടെ തീരത്തെത്തിയത്. അത്തഖഡ് വനത്തില്‍ നിന്നും വഴിതെറ്റിയെത്തിയ ആന നദീതീരത്ത് ജനങ്ങളെ കണ്ട് ഭയന്ന് നദിയുടെ നടുവിലേക്ക് പോവുകയായിരുന്നു. ആനയെ പിന്തുടരുന്നതിനിടെയാണ് ഒ ഡി ആര്‍ എ എഫ് സംഘത്തിന്റെ ബോട്ട് മറിഞ്ഞ് അപകടമുണ്ടായത്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഒഡീഷയിലെ പ്രമുഖ വാര്‍ത്താ ചാനലായ ഒടിവിയുടെ ചീഫ് റിപ്പോര്‍ട്ടറായിരുന്നു അരിന്ദം ദാസ്. ഫൈലിന്‍ ചുഴലിക്കാറ്റ്, ഫനി നക്‌സല്‍ വിരുദ്ധ പ്രവര്‍ത്തനങ്ങള്‍, പ്രകൃതിദുരന്തങ്ങള്‍ തുടങ്ങിയ പ്രധാന സംഭവങ്ങളെല്ലാം റിപ്പോര്ട്ട് ചെയ്തിട്ടുണ്ട്
