ഡല്‍ഹി: ട്രാന്സ്ജെന്ഡര് വ്യക്തികളെ ഒബിസി പട്ടികയില്‍ ഉള്‍പ്പെടുത്താന്‍ കേന്ദ്ര മന്ത്രി സഭായോഗം ശുപാര്‍ശ ചെയ്തു. വിദ്യാഭ്യാസം, തൊഴില്‍ എന്നിവയില്‍ സംവരണാനൂകൂല്യം ലഭ്യമാക്കാനാണ് കേന്ദ്രസര്‍ക്കാരിന്‍റെ പുതിയ നടപടി.
ട്രാന്സ്ജെന്ഡര് വിഭാഗത്തില്‍പ്പെട്ടവരെ ഒരു ലിംഗവിഭാഗമായി കണക്കാക്കണമെന്നും, അവരെ ‘സാമൂഹികമായും സാമ്പത്തികമായും പിന്നോക്കം നില്‍ക്കുന്നവര്‍’ ആയി പരിഗണിക്കണമെന്നും സുപ്രീം കോടതി നിര്‍ദ്ദേശിച്ചിരുന്നു. അതോടൊപ്പം, ട്രാന്സ്ജെന്ഡര് വിഭാഗത്തെ ഉയര്‍ത്തികൊണ്ടുവരുവാന്‍, പ്രത്യേക ആനുകൂല്യങ്ങള്‍ നല്‍കണമെന്നും സുപ്രീം കോടതി നിര്‍ദ്ദേശിച്ചിരുന്നു. ഇതിന്‍റെ അടിസ്ഥാനത്തിനാലാണ് ട്രാന്‍സ്ജന്‍ഡറുകളെ ഒബിസി വിഭാഗത്തില്‍ ഉള്‍പ്പെടുത്താന്‍ തീരുമാനിച്ചത്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
സാമൂഹിക നീതി, ശാക്തീകരണ മന്ത്രാലയം ഒരു വര്‍ഷം നീണ്ടുനിന്ന പ്രീലെജിസ്ലേറ്റീവ് നടപടികള്‍ക്ക് പിന്നാലെയാണ് ശുപാര്‍ശ കേന്ദ്രത്തിന് മുന്‍പില്‍ അവതരിപ്പിച്ചത്. വിവിധ മന്ത്രാലയങ്ങള്‍, ദേശീയ പിന്നാക്ക ജാതി കമ്മീഷന്‍ എന്നിവരുമായി നടന്ന വിശദമായ ചര്‍ച്ചകള്‍ക്ക് ശേഷമാണ് നിര്‍ദേശം സമര്‍പ്പിച്ചിരിക്കുന്നത്.
