ഭര്ത്തൃഗൃഹത്തിലെ പീഡനത്തെ കുറിച്ച് പരാതി നല്കിയിട്ടും പൊലീസില് നിന്ന് നീതി ലഭിക്കാത്തതിനെ തുടര്ന്ന് ആത്മഹത്യചെയ്ത മോഫിയ പര്വീണിന്റെ വീട്ടില് ഗവര്ണര് ആരിഫ് മുഹമ്മദ് ഖാന് സന്ദര്ശനം നടത്തി. മോഫിയയുടെ മരണം ഹൃദയഭേദകമാണെന്ന് അദ്ദേഹം പറഞ്ഞു. സ്ത്രീധന പീഡന മരണങ്ങളുണ്ടാകുന്നത് ദൗര്ഭാഗ്യകരമാണ്. രാജ്യത്തെ മികച്ച പൊലീസ് സേനയാണ് കേരളത്തിലേത്. എന്നാല് എല്ലായിടത്തും പുഴുക്കുത്തുകളുണ്ടെന്നും ഗവര്ണര് പറഞ്ഞു.
പരാതിയുമായെത്തിയ മോഫിയയോട് മോശമായി പെരുമാറിയതിലും കൃത്യമായി അന്വേഷിക്കാന് തയാറാകാത്തതിലും ആലുവ പോലീസിനെ ഗവര്ണര് ആരിഫ് മുഹമ്മദ് ഖാന് വിമര്ശിച്ചു. ഞായറാഴ്ച ഉച്ചയ്ക്ക് രണ്ടരയോടെയാണ് ഗവര്ണര് ആരിഫ് മുഹമ്മദ് ഖാന് ആലുവയിലെ മോഫിയ പര്വീണിന്റെ വീട്ടിലെത്തിയത്. മോഫിയയുടെ മാതാപിതാക്കളെ നേരില്ക്കണ്ട അദ്ദേഹം കാര്യങ്ങള് ചോദിച്ചറിയുകയും ആശ്വസിപ്പിക്കുകയും ചെയ്തു. അന്വര് സാദത്ത് എം.എല്.എ.യും കൂടെയുണ്ടായിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
സി ഐ സുധീറിൽനിന്നും നീതി കിട്ടില്ലെന്ന് ഉറപ്പായതോടെയാണ് മോഫിയ പർവീൺ ആത്മഹത്യ ചെയ്തതെന്ന് എഫ്ഐആർ റിപ്പോര്ട്ട് വ്യക്തമാക്കുന്നു. സംഭവവുമായി ബന്ധപ്പെട്ട് സുധീറിനെ കഴിഞ്ഞ ദിവസം സസ്പെൻഡ് ചെയ്തിരുന്നു. ഡിവൈഎസ്പി വി രാജീവിന്റെ നേതൃത്വത്തിലുള്ള ക്രൈംബ്രാഞ്ച് സംഘമാണ് കേസ് അന്വേഷിക്കുന്നത്. സിഐയ്ക്ക് കേസ് എടുക്കുന്നതിൽ ഗുരുതര വീഴ്ച സംഭവിച്ചെന്ന് ഡിഐജിയുടെ അന്വേഷണ റിപ്പോർട്ടിലുണ്ട്. ഒക്ടോബർ 29 ന് പരാതി കിട്ടിയിട്ടും കേസ് എടുത്തത് പെൺകുട്ടി ആത്മഹത്യ ചെയ്തപ്പോൾ മാത്രമാണ്. 25 ദിവസം ഈ പരാതിയിൽ സിഐ സി.എൽ സുധീർ കാര്യമായി ഒരു നടപടിയും സ്വീകരിച്ചില്ലെന്നും വകുപ്പ് തല അന്വേഷണത്തില് കണ്ടെത്തിയിരുന്നു.
