തിരുവനന്തപുരം: ബസ് ചാർജ് വർധനയുമായി ബന്ധപ്പെട്ട് വിദ്യാർത്ഥി സംഘടനകളുമായി സർക്കാർ ഇന്ന് ചർച്ച നടത്തും. വൈകുന്നേരം 4 മണിക്ക് തിരുവനന്തപുരത്താണ് ചര്ച്ച. ഗതാഗത മന്ത്രി ആന്റണി രാജുവും പൊതുവിദ്യാഭ്യാസ മന്ത്രി വി ശിവൻകുട്ടിയും ചര്ച്ചയില് പങ്കെടുക്കും. വിദ്യാർത്ഥികളുടെ കൺസഷൻ നിരക്ക് ഒരു രൂപയിൽ നിന്ന് 6 രൂപയാക്കണമെന്നാണ് സ്വകാര്യ ബസുടമകളുടെ ആവശ്യം. എന്നാല് ഇത്രയും കൂടിയ നിരക്ക് വർധന അംഗീകരിക്കില്ലെന്നാണ് വിദ്യാർത്ഥി സംഘടനകളുടെ നിലപാട്.
ബസ് ഉടമകള് മുന്നോട്ട് വെച്ച ചാര്ജ് വര്ധനവിന് സര്ക്കാര് നേരത്തെ അംഗീകാരം നല്കിയിരുന്നു. മിനിമം ചാര്ജ് 8 രൂപയില് നിന്ന് 12 രൂപയായി ഉയര്ത്തണമെന്നാണ് ബസ് ഉടമകള് മുന്പോട്ട് വെച്ച പ്രധാന ആവശ്യം. കിലോമീറ്റർ നിരക്ക് 90 പൈസയിൽനിന്ന് ഒരു രൂപയാക്കുക, വിദ്യാര്ത്ഥികളുടെ യാത്ര കൂലി 1 രൂപയില് നിന്ന് 6 രൂപയായി ഉയര്ത്തുക, കൺസഷൻ ടിക്കറ്റ് ചാർജിന്റെ 50 ശതമാനമായി ഉയര്ത്തുക, കോവിഡ് കഴിയുന്നതുവരെ ടാക്സ് ഒഴിവാക്കുക തുടങ്ങിയ ആവശ്യങ്ങളാണ് സ്വകാര്യ ബസ് ഉടമകള് മുന്പോട്ട് വെച്ചിരിക്കുന്ന ആവശ്യങ്ങള്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ബസ് ഉടമകള് മുന്നോട്ട് വെച്ച എല്ലാകാര്യങ്ങളും അംഗീകരിക്കാന് സാധിക്കില്ലെന്ന നിലപാടിലാണ് സര്ക്കാര്. ബസ് ചാർജ് വർധിപ്പിക്കുമ്പോൾ ഓരോ ഫെയർ സ്റ്റേജിലെയും നിരക്കു സംബന്ധിച്ച് കഴിഞ്ഞ ഉത്തരവിലുണ്ടായിരുന്ന പോരായ്മകള് പരിഹരിക്കും. രാമചന്ദ്രന് കമ്മീഷനുമായും മുഖ്യമന്ത്രിമായും ചര്ച്ച നടത്തിയ ശേഷം നിരക്ക് വര്ധനവുമായി ബന്ധപ്പെട്ട അന്തിമ തീരുമാനം അധികം വൈകാതെ തന്നെയുണ്ടാകുമെന്ന് ആന്റണി രാജു നേരത്തെ പറഞ്ഞിരുന്നു.