ഡല്ഹി: മിഷനറീസ് ഓഫ് ചാരിറ്റിയുടെ എഫ് സി ആര് എ രജിസ്ട്രേഷന് പുതുക്കാന് വിസമ്മതിച്ച ആഭ്യന്തര മന്ത്രാലയത്തിന്റെ നടപടിയെ രൂക്ഷമായി വിമര്ശിച്ച് മുതിര്ന്ന കോണ്ഗ്രസ് നേതാവ് പി ചിദംബരം. മോദി സര്ക്കാരിന്റെ അടുത്ത ലക്ഷ്യം ക്രിസ്ത്യാനികളാണെന്ന് പി ചിദംബരം പറഞ്ഞു. '2021 അവസാനിക്കുമ്പോള് ഒരു കാര്യം വ്യക്തമാണ്. മോദി സര്ക്കാര് അവരുടെ അടുത്ത ഇരയെ കണ്ടെത്തിയിരിക്കുന്നു. അത് ക്രിസ്ത്യാനികളാണ്. അവരുടെ ഭൂരിപക്ഷ അജണ്ട മുന്നോട്ടുകൊണ്ടുപോകാനാണിത്'- ചിദംബരം ട്വീറ്റ് ചെയ്തു.
'പശ്ചിമ ബംഗാളിലെ കൊല്ക്കത്തയില് പ്രവര്ത്തിക്കുന്ന മിഷനറീസ് ഓഫ് ചാരിറ്റിക്ക് വിദേശ സംഭാവനകള് നിഷേധിക്കുന്നതിനേക്കാള് ഞെട്ടിക്കുന്ന മറ്റൊന്നുമില്ല. ഇന്ത്യയിലെ പാവങ്ങള്ക്കും ദരിദ്രര്ക്കുമായി ജീവിതം മാറ്റിവെച്ച മദര് തെരേസയുടെ സ്മരണക്കുളള ഏറ്റവും വലിയ അപമാനമാണത്' - പി ചിദംബരം പറഞ്ഞു. എഫ് സി ആര് എ രജിസ്ട്രേഷന് പുതുക്കുന്നതിനുളള മിഷണറീസ് ഓഫ് ചാരിറ്റിയുടെ അപേക്ഷ, യോഗ്യതകള് പാലിക്കാത്തതിനാല് നിരസിക്കുകയാണെന്ന് കേന്ദ്ര ആഭ്യന്തര മന്ത്രാലയം ഡിസംബര് 25-ന് പ്രസ്താവന ഇറക്കിയിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
സംഘടനയുടെ അക്കൗണ്ട് മരവിപ്പിക്കാന് കേന്ദ്രം നിര്ദേശം നല്കിയിട്ടില്ലെന്നും മിഷനറീസ് ഓഫ് ചാരിറ്റി തന്നെയാണ് അക്കൗണ്ട് മരവിപ്പിക്കാന് ബാങ്കിന് നിര്ദേശം നല്കിയതെന്നും കേന്ദ്രത്തിന്റെ പ്രസ്താവനയില് പറയുന്നു. 1950-ലാണ് മദര് തെരേസ മിഷണറീസ് ഓഫ് ചാരിറ്റി ആരംഭിക്കുന്നത്. അനാഥര്ക്കും കുഷ്ഠരോഗികള്ക്കും വേണ്ടിയാണ് സംഘടന പ്രവര്ത്തിക്കുന്നത്.
