തിരുവനന്തപുരം: നടിയെ ആക്രമിച്ച കേസില് സ്പെഷ്യല് പ്രോസിക്യൂട്ടര് അഡ്വ അനില്കുമാര് രാജിവെച്ചു. വിചാരണ നടപടികളില് അതൃപ്തി രേഖപ്പെടുത്തിയാണ് അനില് കുമാരിന്റെ രാജി. സാക്ഷിപട്ടിക പൂര്ണമായും അംഗീകരിക്കാനാവാത്ത നിലയാണുള്ളതെന്നും 16 സാക്ഷികളെ പുനര്വിസ്താരണ നടത്തണമെന്നുമുള്ള പ്രോസിക്യൂഷന്റെ ആവശ്യം വിചാരണ കോടതി തള്ളിയിരുന്നു. ഇതിനെതിരെ പ്രോസിക്യൂഷന് ഹൈക്കോടതിയില് ഹര്ജി നല്കിയിരുന്നു. ഈ കേസില് രണ്ടാമത്തെ പ്രോസിക്യൂട്ടറാണ് രാജി വെക്കുന്നത്.
പുതിയ ചില സാക്ഷികളുടെ വെളിപ്പെടുത്തലുകളുടെ പശ്ചാത്തലത്തിൽ അന്വേഷണ ഉദ്യോഗസ്ഥനായ ബൈജു പൗലോസിൻ്റെ സാക്ഷി വിസ്താരം നിർത്തിവെക്കണമെന്ന് പ്രോസിക്യൂഷൻ വിചാരണ കോടതിയിൽ ആവശ്യപ്പെട്ടിരുന്നു. കൂടാതെ ദിലീപിന്റെ സുഹൃത്തും സംവിധായകനുമായ ബാലചന്ദ്രകുമാറിൻ്റെ വെളിപെടുത്തലിൻ്റെ അടിസ്ഥാനത്തിൽ തുടരന്വേഷണം നടത്തണമെന്നും പ്രോസിക്യൂഷൻ ആവശ്യപ്പെട്ടു. വിചാരണ കോടതി ഇതിന് അനുവാദം ലഭിക്കാതെ ഇരുന്നതോടെ ക്ഷുഭിതനായി അനില് കുമാര് കോടതിയില് നിന്നും ഇറങ്ങി പോവുക ആയിരുന്നു.
നടിയെ ആക്രമിച്ച കേസില് ദിലീപിനെതിരെ തുടരന്വേഷണം വേണമെന്ന് പൊലീസും കോടതിയെ അറിയിച്ചിരുന്നു. നടിയെ ആക്രമിച്ച പ്രതികള് എടുത്ത വീഡിയോ ദിലീപിന്റെ കൈവശമുണ്ടെന്ന സംവിധായകൻ ബാലചന്ദ്രകുമാറിന്റെ വെളിപ്പെടുത്തലിന്റെ അടിസ്ഥാനത്തിലാണ് തുടരന്വേഷണം ആവശ്യപ്പെട്ട് പൊലീസ് വിചാരണ കോടതിയിൽ അപേക്ഷ നൽകിയിരിക്കുന്നത്. കഴിഞ്ഞ ദിവസം സാമൂഹിക മധ്യമങ്ങളിലൂടെ ആണ് ബാലചന്ദ്രകുമാറിന്റെ നിര്ണായക വെളിപ്പെടുത്തല് പുറത്ത് വന്നത്. നടിയെ ആക്രമിച്ച ദൃശ്യങ്ങൾ ദിലീപ് കണ്ടുവെന്നും നടൻ കേസിലെ സാക്ഷികളെ സ്വാധീനിക്കാൻ ശ്രമിച്ചു എന്നും ആണ് ബാലചന്ദ്രകുമാര് വെളിപ്പെടുത്തിയത്.