അല്മാട്ടി: രാജ്യത്തെ ഇന്ധനവില വര്ധനക്കെതിരെ ജനങ്ങള് പ്രതിഷേധം ശക്തമാക്കിയതോടെ കസാഖിസ്ഥാനില് അടിയന്തരാവസ്ഥ പ്രഖ്യാപിച്ചു. കസാഖിസ്ഥാന് പ്രസിഡന്റ് കാസിം-ജോമാര്ട്ട് ടോകയേവാണ് അല്മാട്ടിയിലും എണ്ണ സമ്പന്നമായ മാംഗ്സ്റ്റൗ മേഖലയിലും രണ്ടാഴ്ചത്തേക്ക് അടിയന്തരാവസ്ഥ പ്രഖ്യാപിച്ചത്. ദ്രവീകൃത പെട്രോളിയം വാതകത്തിന്റെ വില ഇരട്ടിയായാണ് വര്ദ്ധിപ്പിച്ചത്. ഇതിനെതിരെയാണ് ജനങ്ങള് പ്രതിഷേധവുമായി രംഗത്തെത്തിയിരിക്കുന്നത്. രാത്രി 11 മുതല് രാവിലെ 7വരെ കര്ഫ്യൂവും ഉണ്ടായിരിക്കും.
പ്രതിഷേധക്കാര് സര്ക്കാര്, സൈനീക ഓഫിസുകള് അക്രമിക്കുന്ന രീതി അംഗീകരിക്കാനാവില്ല. ഇത്തരം ആഹ്വാനങ്ങള് തികച്ചും നിയമവിരുദ്ധമാണ്. ഇത്തരം സമര രീതികള് കൊണ്ട് സര്ക്കാരിനെ താഴെയിറക്കാം എന്ന് വിചാരിക്കേണ്ട. പക്ഷെ സര്ക്കാര് ആഗ്രഹിക്കുന്നത് ചര്ച്ചകളിലൂടെ പ്രശനം പരിഹരിക്കാനാണ് - കസാഖിസ്ഥാന് പ്രസിഡന്റ് കാസിം-ജോമാര്ട്ട് ടോകയേവ പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഹൈഡ്രോകാര്ബണ് ധാരളമായി ലഭിക്കുന്ന മാംഗ്സ്റ്റൗവില് എല് പി ജിയുടെ വില ഇരട്ടിയായി വര്ധിച്ചതാണ് പ്രതിഷേധത്തിന്റെ തുടക്കം. മറ്റ് ഇന്ധനനങ്ങളെ വെച്ച് താരതമ്യം ചെയ്യുമ്പോള് വിലക്കുറവുള്ള എല്.പി.ജിയെയാണ് മാംഗ്സ്റ്റൗവിലെ ജനങ്ങള് വാഹനങ്ങളില് ഉപയോഗിക്കുന്നത്. ഇന്ധനവിലയിലെ മാറ്റം ഭക്ഷ്യ ഉത്പന്നങ്ങളടക്കമുള്ളവയുടെ വിലയെ ബാധിക്കുന്നുണ്ടെന്നാണ് പ്രതിഷേധക്കാരുടെ ആരോപണം. കൊവിഡ് മൂലം രാജ്യത്ത് ലോക്ക്ഡൌണ് പ്രഖ്യാപിച്ച സമയം മുതല് കസാഖിസ്ഥാനില് ഇന്ധന വില വര്ധിപ്പിക്കുകയാണ്. ഇതിനെതിരെയാണ് ജനങ്ങള് പ്രതിഷേധം ആരംഭിച്ചത്.