കേരളത്തിലെ ആദ്യത്തെ ട്രാന്സ് ജെന്ഡര് റേഡിയോ ജോക്കിയും അവതാരകയുമായ അനന്യ കുമാരി അലക്സിന്റെ ആത്മഹത്യയുമായി ബന്ധപ്പെട്ട ആരോപണം നേരിട്ട കൊച്ചിയിലെ സ്വകാര്യ ആശുപത്രിക്കെതിരെ അന്വേഷണത്തിന് ഉത്തരവ്. ആരോഗ്യ വകുപ്പ് അഡീഷണല് ഡയറക്ടര്ക്കാണ് അന്വേഷണ ചുമതല. ഒരു മാസത്തിനകം അന്വേഷണം നടത്തി റിപ്പോര്ട്ട് സമര്പ്പിക്കണം എന്നാണ് സര്ക്കാര് നിര്ദേശം.
ജീവിക്കാന് ആഗ്രഹിച്ചിരുന്ന അനന്യയെ മരണത്തിലേക്ക് നയിച്ചത് തെറ്റായ ലിംഗമാറ്റ ശസ്ത്രക്രിയ നടത്തിയ പാലാരിവട്ടത്തെ റെനെ ആശുപത്രിയിലെ ഡോ അര്ജുന് അശോകിന്റെ പിഴവാണെന്ന് ട്രാന്സ്ജെന്ഡര് സമൂഹം നേരത്തേ ആരോപിച്ചിരുന്നു. അവര് മുഖ്യമന്ത്രി പിണറായി വിജയന് നല്കിയ പരാതിയുടെ അടിസ്ഥാനത്തിലാണ് നടപടി. 2020 ലാണ് അനന്യയുടെ ലിംഗ മാറ്റ ശസ്ത്രക്രിയ നടത്തിയത്. ശസ്ത്രക്രിയ എന്ന പേരില് തന്റെ ലിംഗഭാഗത്തെ വെട്ടിക്കീറുകയാണ് ഡോക്ടര് അര്ജുന് അശോകും സംഘവും ചെയ്തതെന്ന് മരിക്കുന്നതിനുമുന്പ് അനന്യതന്നെ തുറന്നു പറഞ്ഞിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഒരു വര്ഷത്തോളം ശക്തമായ വേദന സഹിച്ച് ജീവിച്ചെന്നും ജീവിക്കാനുള്ള കൊതികൊണ്ടാണ് ഇപ്പോഴും പൊരുതുന്നതെന്നും മരണത്തിനുമുന്പ് ഒരു സ്വകാര്യ മാധ്യമത്തിനു നല്കിയ അഭിമുഖത്തില് അനന്യ പറഞ്ഞിരുന്നു. പോസ്റ്റ്മോര്ട്ടത്തിനു ശേഷം അനന്യയുടെ ശരീരത്തില് ശസ്ത്രക്രിയ പിഴച്ചതു മൂലം ഉണ്ടായ പ്രശ്നങ്ങളുടെ വിവരങ്ങള് പോലീസ് ശേഖരിച്ചിട്ടുണ്ട്.