പോര്ച്ചുഗല്: ഫുഡ്ബോള് ഇതിഹാസം ക്രിസ്റ്റ്യാനോ റൊണാള്ഡോയുടെ കുഞ്ഞ് മരിച്ചു. പ്രസവത്തിനുപിന്നാലെയാണ് കുഞ്ഞ് മരണപ്പെട്ടത്. ഒരു പെണ്കുഞ്ഞിനും ആണ്കുഞ്ഞിനുമാണ് റൊണാള്ഡോയുടെ പങ്കാളി ജോര്ജീന റൊട്രീഗസ് ജന്മം നല്കിയത്. ഇതില് ആണ്കുഞ്ഞാണ് മരണപ്പെട്ടത്. റൊണാള്ഡോ തന്നെയാണ് വിവരം സമൂഹമാധ്യമങ്ങളിലൂടെ അറിയിച്ചത്.
'ഞങ്ങളുടെ ആണ്കുഞ്ഞ് ലോകത്തോട് വിടപറഞ്ഞിരിക്കുകയാണ്. ഏതൊരു മാതാപിതാക്കളും അനുഭവിക്കുന്ന ഏറ്റവും വലിയ വേദനയാണിത്. ഞങ്ങളുടെ പെണ്കുഞ്ഞ് ആരോഗ്യത്തോടെയിരിക്കുന്നു എന്നതാണ് ഇപ്പോഴും പ്രതീക്ഷയോടെയും സന്തോഷത്തോടെയും ജീവിക്കാനുളള കരുത്ത് നല്കുന്നത്. ഞങ്ങള്ക്ക് പിന്തുണ നല്കിയ എല്ലാ ഡോക്ടര്മാര്ക്കും നഴ്സുമാര്ക്കും നന്ദി പറയാന് ഞാന് ആഗ്രഹിക്കുന്നു. ഈ വിഷമഘട്ടത്തില് ഞങ്ങള് തകര്ന്നിരിക്കുകയാണ്. അതിനാല് സ്വകാര്യത ആഗ്രഹിക്കുന്നു. ഞങ്ങളുടെ മകന് മാലാഖയാണ്. എക്കാലവും ഞങ്ങള് നിന്നെ സ്നേഹിക്കും'-എന്നായിരുന്നു റൊണാള്ഡോയുടെ കുറിപ്പ്
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
തനിക്കും പങ്കാളിക്കും ഇരട്ടക്കുട്ടികള് പിറക്കാനിരിക്കുകയാണ് എന്ന് നേരത്തെ ക്രിസ്റ്റ്യാനോ റൊണാള്ഡോ സമൂഹമാധ്യമങ്ങളിലൂടെ അറിയിച്ചിരുന്നു. ഇരുവര്ക്കും ക്രിസ്റ്റിയാനോ റൊണാള്ഡോ ജൂനിയര്, അലന മാര്ട്ടിന ദോസ് സാന്റോസ് അവെയ്റോ, മറ്റിയോ റൊണാള്ഡോ, ഇവാ മരിയാ ദോസ് സാന്റോസ് എന്നിങ്ങനെ നാലുമക്കളാണുളളത്.
