ആഭ്യന്തര വിപണിയില് സ്വര്ണ്ണവില സര്വ്വകാല റെക്കോര്ഡില്. ഗ്രാമിന് 4100 രൂപയും, പവന് 32800 രൂപയുമാണ് ഇപ്പോൾ സ്വർണ്ണ വില, മാർച്ച് ആറിലെ 32320 എന്ന റെക്കോർഡാണ് ഇന്ന് ഭേദിക്കപ്പെട്ടത്. കൊറോണ വൈറസ് ലോകമാകെ പടര്ന്നു പിടിച്ച പശ്ചാത്തലത്തില് ആഗോള ഓഹരി വിപണികളെല്ലാം തകര്ന്നടിഞ്ഞ സാഹചര്യമുണ്ട്. അതിനിടയില് സ്വര്ണ്ണത്തെ ഒരു സുരക്ഷിത നിക്ഷേപമായി നിക്ഷേപകര് കാണാന് തുടങ്ങി എന്നാണ് ഇപ്പോഴുള്ള വില വര്ദ്ധനവില്നിന്നും മനസ്സിലാക്കുന്നത്.
അതേസമയം, രാജ്യത്ത് കൂടുതല് കൊവിഡ് കേസുകള് റിപ്പോര്ട്ട് ചെയ്യപ്പെടുന്നുണ്ടെങ്കിലും ഓഹരി വിപണി ഇന്ന് നേട്ടത്തോടെയാണ് വ്യാപാരം ആരംഭിച്ചത്. ഏഷ്യൻ വിപണികളിൽ കഴിഞ്ഞ ദിവസങ്ങളില് ഉണ്ടായ ഉണര്വ്വിന് സമാനമാണ് ഇന്ന് ആഭ്യന്തര വിപണിയിലും നേട്ടം പ്രകടമായത്. ബിഎസ്ഇ സെൻസെക്സ് 1,113.65 പോയിൻറ് അഥവാ 4.04 ശതമാനം ഉയർന്ന് 28,704.60 എന്ന നിലയിലാണ് വ്യാപാരം ആരംഭിച്ചത്. എൻഎസ്ഇ നിഫ്റ്റി 325.05 പോയിൻറ് ഉയർന്ന് 8,408.85 ലെത്തി. രാവിലെ 10 മണി ആയപ്പോഴേക്കും സെൻസെക്സ് 1,330 പോയിന്റും നിഫ്റ്റി 8,500 പോയിന്റുമായി ഉയർന്നു.