കരിപ്പൂര്: കേരളത്തില് ചിലര് ദേശവിരുദ്ധ പ്രവര്ത്തനങ്ങള് നടത്തുന്നുണ്ടെന്ന് ബിജെപി ദേശീയ അധ്യക്ഷന് ജെ പി നദ്ദ. കേരളത്തിലെ അത്തരം ശക്തികളുടെ പ്രവര്ത്തനം കേന്ദ്രസര്ക്കാര് സൂഷ്മമായി നിരീക്ഷിക്കുന്നുണ്ടെന്ന് നദ്ദ പറഞ്ഞു. ബിജെപി സംസ്ഥാന അധ്യക്ഷന് കെ സുരേന്ദ്രന്റെ മകന്റെ വിവാഹത്തിലും പൊതുപരിപാടിയിലും പങ്കെടുക്കാനായി കോഴിക്കോട്ട് എത്തിയതാണ് നദ്ദ. കരിപ്പൂര് വിമാനത്താവളത്തില് മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം.
'കേരളത്തില് രാഷ്ട്രീയ പാര്ട്ടികളുടെ പിന്തുണയോടെയാണ് ദേശവിരുദ്ധ പ്രവര്ത്തനങ്ങള് നടക്കുന്നത്. കേന്ദ്രസര്ക്കാര് ഇക്കാര്യം സൂഷ്മമായി നിരീക്ഷിക്കുന്നുണ്ട്. ഇത്തരം സാമൂഹ്യവിരുദ്ധ പ്രവര്ത്തനങ്ങള്ക്കെതിരെ ബിജെപി പോരാടും. കേന്ദ്രസര്ക്കാര് ശക്തമായ നടപടികള് സ്വീകരിക്കും. ദൈവത്തിന്റെ സ്വന്തം നാടായ കേരളത്തിന്റെ തനിമയും പാരമ്പര്യവും നിലനിര്ത്താന് ബിജെപിയും കേന്ദ്രസര്ക്കാരും പ്രതിജ്ഞാബദ്ധരാണ്'- ജെ പി നദ്ദ പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഏകദിന സന്ദര്ശനത്തിനായി കേരളത്തിലെത്തിയ ജെ പി നദ്ദയ്ക്ക് കോഴിക്കോട് വിമാനത്താവളത്തില് ബിജെപി പ്രവര്ത്തകര് ഉജ്ജ്വല സ്വീകരണമാണ് നല്കിയത്. രാവിലെ പത്തുമണിയോടെ വിമാനത്താവളത്തിലെത്തിയ നദ്ദയെ ബിജെപി നേതാക്കളായ ടോം വടക്കന്, എം ടി രമേശ്, കുമ്മനം രാജശേഖരന്, രവി തലേത്ത് തുടങ്ങിയവര് ചേര്ന്നാണ് സ്വീകരിച്ചത്.
