ഡല്ഹി: രാജ്യത്തെ 15 സംസ്ഥാനങ്ങളിലെ 57 രാജ്യസഭാ സീറ്റുകളിലേക്കുള്ള തിരഞ്ഞെടുപ്പ് ജൂണ് 10- ന് നടക്കും. ഭരണകക്ഷിയായ ബിജെപിയും പ്രതിപക്ഷ പാര്ട്ടിയായ കോണ്ഗ്രസ്സും തങ്ങളുടെ രാജ്യസഭാ സ്ഥാനാര്ഥികളെ പ്രഖ്യാപിച്ചു. കേന്ദ്ര ധനകാര്യ മന്ത്രി നിര്മലാ സീതാരാമന് കര്ണാടകയില്നിന്നും വ്യവസായ വാണിജ്യകാര്യ മന്ത്രി പിയൂഷ് ഗോയല് മഹാരാഷ്ട്രയില്നിന്നുമാണ് മത്സരിക്കുക.
ബി.ജെ.പി ദേശീയ ജനറല് സെക്രട്ടറി അരുണ് സിങ്ങ് പ്രഖ്യാപിച്ച പട്ടികപ്രകാരം ബിജെപിക്ക് ഇത്തവണ ഏറ്റവും കൂടുതല് രാജ്യസഭാ അംഗങ്ങളെ ലഭിക്കുക ഉത്തര്പ്രദേശില് നിന്നാണ്. ആറ് അംഗങ്ങളാണ് യുപിയില് നിന്ന് രാജ്യസഭയിലെത്തുക. കര്ണാടക, മഹാരാഷ്ട്ര, ബിഹാര് എന്നിവിടങ്ങളില്നിന്ന് രണ്ടുപേര് വീതവും മധ്യപ്രദേശ്, രാജസ്ഥാന്, ഉത്തരാഖണ്ഡ് എന്നീ സംസ്ഥാനങ്ങളില്നിന്ന് ഓരോ സീറ്റുവീതവുമാണ് ബിജെപിക്ക് ലഭിക്കുക.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, ഇന്നലെ പുറത്തുവിട്ട കോണ്ഗ്രസ് രാജ്യസഭാ സ്ഥാനാര്ത്ഥികളുടെ പട്ടികയില് മുതിര്ന്ന നേതാവും മുന് കേന്ദ്ര വ്യോമയാന മന്ത്രിയും ജമ്മുകാശ്മീര് മുന് മുഖ്യമന്ത്രിയുമായ ഗുലാം നബി ആസാദ് പുറത്തായി. ജി 23 യുടെ മറ്റൊരു നേതാവും മുന് കേന്ദ്രമന്ത്രിയുമായ ആനന്ദ് ശര്മ്മയ്ക്കും സീറ്റില്ല. പി ചിദംബരത്തിന് തമിഴ്നാട്ടിലും ജയ്റാം രമേശിന് കര്ണാടകയിലും സീറ്റ് നല്കി. മുകുള് വാസ്നികിന് രാജസ്ഥാനില് സീറ്റ് നല്കിയിട്ടുണ്ട്. കോണ്ഗ്രസ് ദേശീയ വക്താവ് രണ്ദീപ് സിംഗ് സുര്ജേവാല, രാജീവ് ശുക്ല, അജയ് മാക്കന്, രണ്ജീത് രഞ്ജന്, വിവേക് തന്ഖാ, ഇമ്രാന് പ്രതാപ്ഗഡി തുടങ്ങിയവരാണ് മറ്റ് രാജ്യസഭാ സ്ഥാനാര്ത്ഥികള്.
