ആഗ്ര: താജ്മഹല് സ്ഥിതിചെയ്യുന്ന സ്ഥലത്ത് നേരത്തെ ക്ഷേത്രങ്ങളൊന്നും ഉണ്ടായിരുന്നില്ലെന്ന് ആര്ക്കിയോളജിക്കല് സര്വ്വേ ഓഫ് ഇന്ത്യ. താജ്മഹലിനകത്ത് വിഗ്രഹങ്ങളുളള പൂട്ടിയ മുറികളില്ലെന്നും ആര്ക്കിയോളജിക്കല് സര്വ്വേ പറഞ്ഞു. തൃണമൂല് കോണ്ഗ്രസ് നേതാവ് സാകേത് ഗോഖലെക്ക് വിവരാവകാശ നിയമപ്രകാരം നല്കിയ മറുപടിയിലാണ് സുപ്രധാന വിവരമുളളത്.
'ആര്ക്കിയോളജിക്കല് സര്വ്വേ ഓഫ് ഇന്ത്യ ഇന്ന് എനിക്ക് നല്കിയ മറുപടി പ്രകാരം, താജ്മഹല് നിലവിലുളള സ്ഥലത്ത് നേരത്തെ ഒരു ക്ഷേത്രവുമുണ്ടായിരുന്നില്ല. താജ്മഹലിന് വിഗ്രഹങ്ങളടങ്ങുന്ന പൂട്ടിയ അറകളുമില്ല. ബിജെപിയുടേയും ആര് എസ് എസിന്റെയും നികൃഷ്ടമായ ഹര്ജികള്ക്കെതിരെ കോടതി നടപടിയെടുക്കുമെന്നും മാധ്യമങ്ങള് രാജ്യത്ത് യഥാര്ത്ഥത്തില് നടക്കുന്ന പ്രശ്നങ്ങളിലേക്ക് ശ്രദ്ധ കേന്ദ്രീകരിക്കുമെന്നും പ്രതീക്ഷിക്കുന്നു'-എന്നാണ് സാകേത് ഗോഖലെ ട്വീറ്റ് ചെയ്തത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
താജ്മഹലില് ഹിന്ദു ദൈവങ്ങളുടെ വിഗ്രഹമുണ്ടെന്നും അതിനകത്ത് അടച്ചിട്ട ഇരുപത് മുറികള് തുറന്നുപരിശോധിക്കണമെന്നും ആവശ്യപ്പെട്ട് ഹിന്ദുത്വ സംഘടനകള് രംഗത്തെത്തിയിരുന്നു. താജ്മഹല് പഴയ ശിവക്ഷേത്രമാണ് എന്ന് തീവ്ര ഹിന്ദുത്വവാദികളും ബിജെപി നേതാക്കളും അവകാശവാദമുന്നയിച്ചിരുന്നു. അന്ന് രൂക്ഷമായ വിമര്ശനങ്ങളോടെയാണ് അലഹബാദ് ഹൈക്കോടതി ബിജെപി നേതാവ് സമര്പ്പിച്ച ഹര്ജി തളളിയത്. അറ്റകുറ്റപ്പണികള്ക്കായി അടച്ചിട്ട താജ്മഹലിലെ മുറികള് പിന്നീട് തുറന്നിരുന്നു. എന്നാല് മുറികള്ക്കുളളില്നിന്ന് ഒന്നും കണ്ടെത്താന് സാധിച്ചിരുന്നില്ല.
