കൊച്ചി: ലംബോര്ഗിനിയുടെ എസ്.യു.വി. മോഡലായ ഉറുസ് സ്വന്തമാക്കി നടന് ഫഹദ് ഫാസില്. 3.15 കോടി രൂപ മുതല് വില ആരംഭിക്കുന്ന ഈ ആഡംബര വാഹനം ആലപ്പുഴ ആര്.ടി. ഓഫീസിലാണ് രജിസ്റ്റര് ചെയ്തിരിക്കുന്നത്. ജൂലായ് മാസത്തിലാണ് ഫഹദ് ഫാസില് ഉറുസ് ബുക്ക് ചെയ്തത്. കേരളത്തിൽ ലംബോർഗിനി ഉറുസ് ബുക്ക് ചെയ്താൽ വാഹനം ലഭിക്കാൻ ഏകദേശം ഒരുവർഷം വരെ കാത്തിരിക്കണം എന്നാണ് റിപ്പോർട്ട്. ലംബോർഗിനി എസ്യുവി ഉറുസ് പ്രീമിയം സെക്കന്ഡ് ഹാൻഡ് നടന് പൃഥിരാജ് ജൂണിൽ സ്വന്തമാക്കിയിരുന്നു. കേരള രജിസ്ട്രേഷനിലുള്ള 2019 മോഡൽ ഉറുസിന്റെ അന്നത്തെ ഓൺറോഡ് വില ഏകദേശം 4.35 കോടിയാണ്. 5000 കിലോമീറ്ററിൽ താഴെ ഓടിയ ഉറുസ് ആണ് പൃഥിരാജ് വാങ്ങിയത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
സൂപ്പർസ്പോർട്സ് കാർ എന്ന ഖ്യാതിയിൽ എത്തിയിരിക്കുന്ന ഈ വാഹനം ലോകത്തിൽ ഏറ്റവും വേഗമുള്ള എസ്യുവികളിലൊന്നാണ്. എംഎൽബി ഇവോ പ്ലാറ്റ്ഫോമിൽ നിർമിച്ചിരിക്കുന്ന വാഹനത്തിന്റെ ഉയർന്ന വേഗം 305 കിലോമീറ്ററാണ്. 3.6 സെക്കന്റില് 100 കിലോമീറ്റര് വേഗവും 12.8 സെക്കന്ഡില് 200 കിലോമീറ്റര് വേഗതയുമാണ് ഉറൂസിന്റെ മറ്റൊരു പ്രത്യേകത. സുരക്ഷയുടെ കാര്യത്തിലും ഏറെ മുന്പന്തിയിലുള്ള ഈ വാഹനം ആഗോളതലത്തില് പോലും ലംബോര്ഗിനിയുടെ ടോപ്പ് സെല്ലിങ്ങ് മോഡലായി മാറിയിട്ടുണ്ടെന്നാണ് റിപ്പോര്ട്ട്. 2017 -ല് വിപണിയിലെത്തിയ ഉറൂസ് ഒരു വര്ഷത്തിന് ശേഷമാണ് ഇന്ത്യയിലെത്തുന്നത്.