ഐ ഫോണിന്റെ വില മിക്കപ്പോഴും ഇന്ത്യയിലെ ഉപയോക്താക്കളെ നിരാശരാക്കാറാണ് പതിവ്. അടുത്തിടെ പുറത്തിറക്കിയ ഐ ഫോണ് 14 പ്രോ മാക്സും ഇന്ത്യക്കാര്ക്ക് പ്രത്യേക സന്തോഷമൊന്നും നല്കിയില്ല. കാരണം എല്ലാ വര്ഷത്തെയുംപോലെ ഇത്തവണയും മറ്റ് രാജ്യങ്ങളെ അപേക്ഷിച്ച് ഇന്ത്യയില് ഐഫോണിന് വില കൂടുതലാണ്. എന്നാല് ഐ ഫോണിന് ഇന്ത്യയില് മാത്രം ഇത്ര വിലകൂടിയതെന്തെന്ന് ഓര്ത്ത് വിഷമിക്കേണ്ട. ഐ ഫോണിന് ഇന്ത്യയിലേക്കാള് വില കൂടുതലുളള ഒരു രാജ്യമുണ്ട്. തുര്ക്കിയാണ് ഐ ഫോണ് ഏറ്റവും കൂടിയ വിലയ്ക്ക് വില്ക്കുന്നത്.
ഐ ഫോണ് 14 പ്രോ 128 ജിബിയുടെ ഇന്ത്യയിലെ വില 1,29,900 രൂപയാണ്. ഇതേ വേരിയന്റിന് തുര്ക്കിയില് 1,74,000 രൂപയാണ് വില. ഐ ഫോണ് 14 1 ടിബിയ്ക്ക് 2.23 ലക്ഷം രൂപയാണ് വില. ഐ ഫോണുകള്ക്ക് ഏറ്റവും കൂടുതല് വില തുര്ക്കിയിലാണെങ്കില് പട്ടികയില് മൂന്നാം സ്ഥാനത്താണ് ഇന്ത്യ. രണ്ടാം സ്ഥാനത്ത് ബ്രസീലാണ്. അവിടെ, ഐ ഫോണ് 14ന്റെ പ്രാരംഭ വില തന്നെ 1,18,500 ആണ്. വിലക്കുറവില് ഐ ഫോണ് ലഭിക്കണമെങ്കില് യുഎസില്നിന്ന് ഓര്ഡര് ചെയ്യേണ്ടിവരും. യുഎസിലാണ് ഏറ്റവും വിലക്കുറവില് ഐ ഫോണ് വില്പ്പന നടക്കുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഇന്ത്യയില് ഐ ഫോണ് 14 128 ജിബി വേരിയന്റിന് 79,900 രൂപയും 256 ജിബി വേരിയന്റിന് 89,900 രൂപയും 512 ജിബി വേരിയന്റിന് 1,09,000 രൂപയുമാണ് വില. ഐ ഫോണ് 14 പ്ലസ് 128 ജിബിക്ക് 89,900 ആണ് വില. 256 ജിബിക്ക് 99,900 രൂപയും 512 ജിബിക്ക് 1,19,900 രൂപയുമാണ് വില വരുന്നത്. ഐ ഫോണ് 14 പ്രോ 128 ജിബി വേരിയന്റിന് 1,29,900 രൂപയാണ് വില. 256 ജിബിക്ക് 1,39,900 രൂപയും 512 ജിബി വേരിയന്റിന് 1,59,000 രൂപയും 1 ടിബി വേരിയന്റിന് 1,79,900 രൂപയുമാണ് വില.