കോട്ടയം: പി സി ജോര്ജിന്റെ മകന് ഷോൺ ജോർജിന്റെ ഈരാറ്റുപേട്ടയിലെ വീട്ടിൽ റെയ്ഡ്. ക്രൈംബ്രാഞ്ച് സംഘമാണ് ഷോൺ ജോർജിന്റെ വീട്ടിൽ പരിശോധന നടത്തുന്നത്. ആക്രമിക്കപ്പെട്ട നടിക്കെതിരായ സൈബര് അക്രമണവുമായി ബന്ധപ്പെട്ടാണ് ക്രൈംബ്രാഞ്ച് പരിശോധന നടത്തുന്നതെന്നാണ് പുറത്തുവരുന്ന വിവരം. 2017 -ല് 'ദിലീപിനെ പൂട്ടണം' എന്ന പേരില് വാട്സ്ആപ് ഗ്രൂപ്പ് നിർമിച്ചിരുന്നു. ബി സന്ധ്യ അടക്കമുള്ള ഉന്നത ക്രൈംബ്രാഞ്ച് ഉദ്യോഗസ്ഥർ, മാധ്യമ പ്രവർത്തകർ അടക്കമുള്ളവരെ ഉൾപ്പെടുത്തിയാണ് ഗ്രൂപ്പ് ഉണ്ടാക്കിയത്. ഈ ഗ്രൂപ്പിന്റെ സ്ക്രീന് ഷോര്ട്ട് ജോണ് ജോര്ജ് ദിലീപിന് അയച്ചുകൊടുത്തിരുന്നുവെന്ന് പൊലീസ് കണ്ടെത്തിയിരുന്നു. ഇതിനുപിന്നാലെയാണ് അന്വേഷണ ഉദ്യോഗസ്ഥര് ഷോൺ ജോർജിന്റെ വീട്ടില് പരിശോധന നടത്തുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
നടി അക്രമിക്കപ്പെട്ട കേസില് ദിലീപിനെതിരെ ഗൂഢാലോചന നടന്നുവെന്ന് വരുത്തി തീര്ക്കാന് പ്രതിഭാഗം വ്യാജമായി നിര്മ്മിച്ചതാണ് വാട്സപ്പ് ഗ്രൂപ്പെന്നും കൃത്രിമ സ്ക്രീന് ഷോട്ടുകള് നിര്മ്മിച്ച മൊബൈല് ഫോണ് കണ്ടെടുക്കാന് വേണ്ടിയാണ് റെയ്ഡെന്നുമാണ് അന്വേഷണ ഉദ്യോഗസ്ഥര് പറയുന്നത്. കോട്ടയം ക്രൈംബ്രാഞ്ച് ഡിവൈഎസ്പി അമ്പിളി കുട്ടന്, തൃശൂര് ക്രൈംബ്രാഞ്ച് ഡിവൈഎസ്പി ഉല്ലാസ് എന്നിവരുടെ നേതൃത്വത്തിലാണ് റെയ്ഡ് നടക്കുന്നത്. ഇന്ന് രാവിലെയാണ് ക്രൈംബ്രാഞ്ച് സംഘം പിസി ജോര്ജിന്റെ ഈരാറ്റുപേട്ടയിലെ വീട്ടിലെത്തിയത്. സംവിധായകന് ബൈജു കൊട്ടാരക്കരയാണ് വ്യാജസ്ക്രീന് ഷോര്ട്ടിനെതിരെ പരാതി നല്കിയത്.
