താൻ ആരോഗ്യവാനാണെന്ന് കേന്ദ്ര ആഭ്യന്തരമന്ത്രി അമിത് ഷാ. തന്റെ ആരോഗ്യം സംബന്ധിച്ചുള്ള അഭ്യൂഹം അമിത് ഷാ തള്ളി. തനിക്ക് യാതൊരു വിധ അനാരോഗ്യവും ഇല്ലെന്ന് അമിത്ഷാ വ്യക്തമാക്കി. ട്വിറ്ററിലൂടെയാണ് അമിത് ഷാ ഇക്കാര്യം വെളിപ്പെടുത്തിയത് 'രാജ്യം കോവിഡിനെതിരായ പോരാട്ടത്തിലാണ്.
'1900 ലധികം പേരാണ് മരിച്ചത്. ഈ സാഹചര്യത്തിൽ അഭ്യൂഹങ്ങള്‍ ശ്രദ്ധിക്കുന്നില്ല. ആഭ്യന്തര മന്ത്രി എന്ന നിലയിലുളള ചുമതലകള്‍ നിര്‍വഹിച്ചു വരികയാണ്. തന്റെ ആരോഗ്യത്തെ കുറിച്ച് അഭ്യൂഹങ്ങള്‍ പരക്കുമ്പോൾ താന്‍ കൂടുതല്‍ കരുത്താര്‍ജ്ജിക്കുന്നു.'- അമിത് ഷാ ട്വിറ്ററിൽ കുറിച്ചു.
അമിത് ഷായുടെ ആരോഗ്യത്തെ സംബന്ധിച്ച് സോഷ്യല്‍ മീഡിയയില്‍ അടക്കം അഭ്യൂഹങ്ങള്‍ പ്രചരിച്ചിരുന്നു. ഇതിനെ തുടർന്നാണ് അമിത് ഷാ വിശദീകരണവുമായി രംഗത്തെത്തിയത്. കൊവിഡ് പ്രതിരോധ പ്രവർത്തനങ്ങളിൽ അമിത് ഷാ സജീവമല്ലെന്നായിരുന്നു വിമർശനം.
