റായ്പുര്‍: ഛത്തിസ്‌ഗഢ് സംസ്ഥാനത്തിന്റെ മുഖ്യമന്ത്രിയായിരുന്ന അജിത്‌ ജോഗി അതീവ ഗുരുതരാവസ്ഥയില്‍ എന്ന് മെഡിക്കല്‍ ബുള്ളറ്റിന്‍. അദേഹം കോമ സ്റ്റേജിലേക്ക് പോയതായും വെന്‍റ്റിലേറ്ററിന്‍റെ സഹായത്തോടെയാണ് ജീവന്‍ നിലനിര്‍ത്തുന്നതെന്നുമാണ് റിപ്പോര്ട്ട്. ഛത്തിസ്‌ഗഢ് തലസ്ഥാനമായ രായ്പൂരിലെ ശ്രീ നാരായണ ആശുപത്രിയിലാണ് മുന്‍ മുഖ്യമന്ത്രി ചികിത്സയില്‍ കിടക്കുന്നത്.
ഓക്സിജന്‍ ലഭ്യത കുറഞ്ഞതിന്റെ ഭാഗമായി തലച്ചോറിന്റെ പ്രവര്‍ത്തനം മന്ദീഭവിച്ചതായും മെഡിക്കല്‍ റിപ്പോര്ട്ട് വ്യക്തമാക്കുന്നു. കഴിഞ്ഞ ദിവസമാണ് അബോധാവസ്തയിലായതിനെ തുടര്‍ന്ന് അജിത്‌ ജോഗിയെ ആശുപത്രിയില്‍ പ്രവേശിപ്പിച്ചത്.
74 കാരനായ അജിത്‌ പ്രമോദ് കുമാര്‍ ജോഗി ഛത്തിസ്‌ഗഢ് സംസ്ഥാനത്തിന്റെ ആദ്യ മുഖ്യമന്ത്രിയാണ്. ഭോപ്പാലിലെ മൌലാനാ ആസാദ് എങ്ങിനീയറിംഗ് കോളേജില്‍ നിന്ന് സ്വര്‍ണ്ണ മെഡലോടെ മെക്കാനിക്കല്‍ എന്ജിനീയറിംഗ് ബിരുദം നേടിയ ഐ എ എസ്സുകാരനാണ്. 1980 കളുടെ തുടക്കത്തില്‍ ഇന്‍ഡോര്‍ ജില്ലാ കലക്ടറായി പ്രവര്‍ത്തിച്ചിട്ടുള്ള ജോഗി സ്വന്തം പാര്‍ട്ടിയുണ്ടാക്കിയാണ് രാഷ്ട്രീയ പ്രവേശം നടത്തിയത് . താമസിയാതെ കോണ്‍ഗ്രസ്സില്‍ ചേര്‍ന്ന അജിത്‌ ജോഗിയെയും മകന്‍ അമിത് ജോഗിയെയും തെരഞ്ഞെടുപ്പ് ക്രമക്കേടുമായി ബന്ധപ്പെട്ട് കോണ്ഗ്രസ് പിന്നീട് പുറത്താക്കുകയായിരുന്നു.
