സെക്രട്ടറിയേറ്റിൽ ജോലിക്കെത്താത്തവരുടെ ശമ്പളം തടയണമെന്ന് പൊതുഭരണ സെക്രട്ടറി. ജോലിക്കെത്തണമെന്ന് നിർദ്ദേശം ലഭിച്ചവർ മുങ്ങുന്നത് തടയാനാണ് നടപടി. ലോക്ഡൗൺ പരിഗണിച്ച് അണ്ടർ സെക്രട്ടറി മുതൽ പ്രിന്സിപ്പല് സെക്രട്ടറി വരെ ഉൾപ്പെടുന്ന ഗ്രൂപ്പ് എ വിഭാഗത്തിൽപ്പെടുന്ന ഉദ്യോഗസ്ഥരിൽ 50 ശതമാനം പേരും ഇതിന് താഴെയുള്ള ഉദ്യോഗസ്ഥരിൽ 33 ശതമാനം പേരും ജോലിക്ക് എത്തണമെന്നായിരുന്നു സർക്കാർ നിർദ്ദേശം. പൊതുഭരണ വകുപ്പാണ് ഇത് സംബന്ധിച്ച നിർദ്ദേശം ഉത്തരവിലൂടെ ജീവനക്കാരെ അറിയിച്ചത്. ഇതിന് പുറമെ അടിയന്തരമായി ഹാജരാകേണ്ട ഉദ്യോഗസ്ഥരുടെ ലിസ്റ്റും പൊതുഭരണ വകുപ്പ് പുറത്തിറിക്കിയിരുന്നു. ഇവർക്ക് സെക്രട്ടറിയേറ്റിൽ എത്താൻ പ്രത്യേക ബസും കെഎസ്ആർടിസി ഏർപ്പെടുത്തിയിട്ടുണ്ട്.
ഉദ്യോഗസ്ഥർക്ക് ജോലിയെടുത്ത ദിവസങ്ങളിൽ മാത്രം വേതനം നൽകിയാൽ മതിയെന്നാണ് പൊതുഭരണവകുപ്പ് സെക്രട്ടറിയുടെ നിർദ്ദേശം. ധനകാര്യ അഡീഷണൽ ചീഫ് സെക്രട്ടറിക്കാണ് ഇത് സംബന്ധിച്ച് അറിയിപ്പ് നൽകിയിരിക്കുന്നത്. ലോക്ഡൗൺ മൂലമാണ് ജോലിക്ക് ഹാജരാകാതിരുന്നതെന്നാണ് ഉദ്യോഗസ്ഥരുടെ വാദം
