പരിഷ്‍കരിച്ച കിയ സെൽറ്റോസ് ഇന്ത്യന്‍ വിപണിയിലെത്തി. 9.89 ലക്ഷം രൂപയാണ് വാഹനത്തിന്‍റെ എക്സ്ഷോറൂം വില. സെൽറ്റോസിനോട് മത്സരിക്കാൻ ഫീച്ചറുകളും സ്റ്റൈലും കൂട്ടി ക്രേറ്റ എത്തിയതിനു തൊട്ടുപിറകെയാണ് പരിഷ്‍കരിച്ച സെൽറ്റോസ് കിയ അവതരിപ്പിച്ചത്. പുതിയ എക്സ്റ്റീരിയർ, ഇന്റീരിയർ, കംഫർട്ട് സവിശേഷതകളുമായിട്ടാവും പതിപ്പുകൾ എത്തുന്നത്. ആറ് എഞ്ചിൻ-ഗിയർബോക്സ് ഓപ്ഷനുകൾ ഉൾപ്പെടെ മൊത്തം 16 പതിപ്പുകളിൽ സെൽറ്റോസ് ലഭ്യമാണ്.
വിലയിൽ അൽപം മാറ്റങ്ങളുമായാണ് പുതിയ സെല്‍റ്റോസ് വിപണിയിലെത്തിയത്. കൂടാതെ വിൽപന കുറഞ്ഞ ജിടികെ, ജിടിഎക്സ് എന്നീ വേരിയന്റുകൾ നിർത്തലാക്കുകയും ചെയ്തു. ഇതോടെ സെൽറ്റോസ് 16 വേരിയന്റുകളായി. എല്ലാ പതിപ്പുകളിലും എമർജൻസി സ്റ്റോപ്പ് സിഗ്നൽ, ഫ്രണ്ട്, റിയർ യുഎസ്ബി ചാർജിംഗ് പോയിന്റുകൾ സ്റ്റാൻഡേർഡായി ലഭിക്കും.
മൂന്നു പവർട്രെയിൻ ഓപ്ഷനുകളാണ് സെൽറ്റോസ് വാഗ്ദാനം ചെയ്യുന്നത്. 114bhp / 144Nm ഉത്പാദിപ്പിക്കുന്ന 1.5 ലിറ്റർ പെട്രോൾ എഞ്ചിൻ+ആറ് സ്പീഡ് മാനുവൽ അല്ലെങ്കിൽ സിവിടി. 114bhp / 250Nm നൽകുന്ന 1.5 ലിറ്റർ നാല് സിലിണ്ടർ ഡീസൽ + ആറ് സ്പീഡ് മാനുവൽ അല്ലെങ്കിൽ ആറ് സ്പീഡ് ഓട്ടോമാറ്റിക്. അവസാനമായി, സ്‌പോർടി ജിടി ട്രിം ലൈനിന് 1.4 ലിറ്റർ ടർബോ പെട്രോൾ എഞ്ചിനാണ് നല്‍കിയിരിക്കുന്നത്.
