സംസ്ഥാനത്തെ എയ്ഡഡ് സ്കൂളുകളിൽ അധ്യാപകനിയമനത്തിന് പുതിയ നിർദ്ദേശവുമായി ധനകാര്യവകുപ്പ്. ആറ് കുട്ടികൾ കൂടിയാൽ മാത്രം പുതിയ തസ്തിക അനുവദിച്ചാൽ മതിയെന്ന് ധനകാര്യ വകുപ്പ് വിദ്യാഭ്യാസ വകുപ്പിന് നിർദ്ദേശം നൽകി. അധ്യാപക നിയമനത്തിനുള്ള നിർദ്ദേശങ്ങളാണ് ധനവകുപ്പ് വിദ്യാഭ്യാസ വകുപ്പിന് നൽകിയത്.
കേന്ദ്ര വിദ്യാഭ്യാസ ചട്ടപ്രകാരം 30 വിദ്യാർത്ഥിക്ക് 1 അധ്യാപകനാണ് അനുപാതം. ഇതിൽ ഒരു വിദ്യാർത്ഥി കൂടിയാൽ രണ്ട് അധ്യാപകരെ നിയമിക്കുന്നതാണ് പതിവ്. ഇതുവഴി വ്യാപകമായ ക്രമക്കേട് മാനേജ്മെന്റ് നടത്തിയിരുന്നതായാണ് ആരോപണം. 6 വിദ്യാർത്ഥികൾ കൂടിയാൽ മാത്രം പുതിയ തസ്തിക സൃഷ്ടിച്ചാൽ മതിയെന്നാണ് ധനവകുപ്പിന്റെ നിർദ്ദേശം. നിയമവിരുദ്ധമായി ഒന്നും ചെയ്തിട്ടില്ലെന്ന നിലപാടിലാണ് എയ്ഡഡ് സ്കൂൾ മാനേജ്മെന്റ് അസോസിയേഷൻ. വിദ്യാഭ്യാസ വകുപ്പിന്റെ നിർദ്ദേശം ഇറങ്ങിയാൽ മാനേജ്മെന്റ് കോടതിയെ സമീപിക്കും
