വ്യോമ പ്രതിരോധ യൂണിറ്റിന്റെ റഡാർ സംവിധാനത്തിലെ തെറ്റായ വിവരമാണ് ജനുവരിയിൽ ഉക്രേനിയൻ പാസഞ്ചർ വിമാനം തകരാനുള്ള പ്രധാന കാരണമായതെന്ന് ഇറാൻ. കൈപ്പിശക് കൊണ്ട് സംഭവിച്ച അബദ്ധം കാരണം സിസ്റ്റത്തിൽ '107-ഡിഗ്രി എറർ' വരികയും അത് വിമാനത്തകർച്ചക്ക് കാരണമാവുകയും ചെയ്തെന്ന് ഇറാനിയൻ സിവിൽ ഏവിയേഷൻ ഓർഗനൈസേഷൻ(സിഎഒ) ശനിയാഴ്ച നൽകിയ റിപ്പോർട്ടിൽ വ്യക്തമാക്കി.
അന്വേഷണത്തിന്റെ അന്തിമ റിപ്പോർട്ട് ലഭിച്ചിട്ടില്ല. യുഎസ്-ഇറാൻ സംഘർഷം രൂക്ഷമായ സമയത്ത് ടെഹ്റാനിലെ പ്രധാന വിമാനത്താവളത്തിൽ നിന്ന് ജനുവരി 8 ന്, ഫ്ലൈറ്റ് 752, ഉക്രെയ്ൻ ഇന്റർനാഷണൽ എയർലൈൻസ് പറന്നുയർന്നതിനു തൊട്ടുപിന്നാലെയാണ് രണ്ട് മിസൈലുകൾ അത് ആക്രമിച്ച് തകർത്തത്.
വിമാനം അബദ്ധത്തിൽ വെടിവെച്ചു തകർക്കുകയായിരുന്നു എന്ന് ഇസ്ലാമിക് റിപ്പബ്ലിക് കുറച്ച് ദിവസങ്ങൾക്ക് ശേഷം സമ്മതിച്ചിരുന്നു. വിമാനത്തിലുണ്ടായിരുന്ന 176 പേരാണ് അന്ന് കൊല്ലപ്പെട്ടത്.
