ജമ്മു കശ്മീരിലെ സോപിയാനില് സൈന്യവുമായി ഉണ്ടായ ഏറ്റുമുട്ടലില് മൂന്ന് ഭീകരര് കൊല്ലപ്പെട്ടു. ശ്രീനഗറിലെ ഡിഫന്സ് പബ്ലിക് റിലേഷന് ഓഫീസറാണ് ഇക്കാര്യം അറിയിച്ചത്. സ്ഥലത്ത് ഇപ്പോഴും ഏറ്റുമുട്ടല് തുടരുകയാണ്. ഇന്ന് പുലര്ച്ചെയോടെയാണ് ഇവിടെ ഏറ്റുമുട്ടല് ആരംഭിച്ചത്.
രഹസ്യവിവരത്തെ തുടർന്ന് പോലീസ്, സിആർപിഎഫ്, ആർആർ 62 എന്നിവയുടെ സംയുക്തസേന നടത്തിയ തിരച്ചിലിനിടയിലാണ് ഏറ്റുമുട്ടലുണ്ടായത്. തിരച്ചിലിനിടെ സംയുക്തസേനയ്ക്ക് നേരെ ഭീകരർ വെടിയുതിർത്തു. തുടർന്ന് സേന പ്രത്യാക്രമണം നടത്തുകയായിരുന്നു.
കൂടുതല് വിവരങ്ങള് ലഭ്യമായിട്ടില്ല.
