കൊവിഡ്-19 മഹാമാരിയുടെ പശ്ചാത്തലത്തില്‍ 2021 ജൂലൈ വരെ ജീവനക്കാര്‍ക്ക് വീട്ടില്‍ നിന്ന് ജോലി ചെയ്യാമെന്ന് ഗൂഗിള്‍. ജീവനക്കാര്‍ക്ക് അയച്ച ഇമെയിലില്‍ സുന്ദര്‍ പിച്ചൈ ആണ് ഇക്കാര്യം വ്യക്തമാക്കിയത്.
ലോകമെമ്പാടുമുള്ള 200,000 ഗൂഗിള്‍ ജീവനക്കാര്‍ക്കും, കരാറുകാര്‍ക്കുും ജനുവരിയില്‍ അവസാനിക്കാനിരുന്ന ഈ ഓപ്ഷന്റെ വിപുലീകരണം ലഭിക്കുമെന്ന് വാള്‍സ്ട്രീറ്റ് ജേണല്‍ റിപ്പോര്ട്ട് ചെയ്യുന്നു. ഗൂഗിളിന്റെ ഈ നിലപാട് മറ്റ് സാങ്കേതിക സ്ഥാപനങ്ങള്‍ക്കും വലിയ തൊഴിലുടമകള്‍ക്കും പ്രചോദനമാകാന്‍ സാധ്യതയുണ്ട്.
വരും മാസങ്ങളില്‍ ഓഫീസുകള്‍ വീണ്ടും തുറക്കുമെന്ന് നിരവധി സാങ്കേതിക സ്ഥാപനങ്ങള്‍ അറിയിച്ചിരുന്നു. എന്നാല്‍ എല്ലാ ജീവനക്കാരെയും വിദൂര ജോലിയില്‍ അനിശ്ചിതമായി തുടരാന്‍ അനുവദിക്കുമെന്ന നിലപാടിലാണ് ട്വിറ്റര്‍.
