വിശാഖപട്ടണം: രാജ്യത്തെ പ്രധാനപ്പെട്ട തുറമുഖ നഗരങ്ങളിലൊന്നായ വിശാഖപട്ടണത്തെ കപ്പല്‍ നിര്‍മ്മാണശാലയില്‍ ക്രെയിന്‍ തകര്‍ന്ന് വീണ് പതിനൊന്നു പേര്‍ മരണപ്പെട്ടു. കൂറ്റന്‍ ക്രെയിനാണ് തകര്‍ന്നു വീണത്. കപ്പല്‍ ശാലയിലെ ജീവനക്കാരായ 4 പേരും കരാര്‍ തോഴിലാളികളായ 7 പെരുമാണ് മരിച്ചതെന്ന് വിശാഖപട്ടണം പൊലിസ് കമ്മീഷണര്‍ ആര്‍.കെ. മീണയെ ഉദ്ധരിച്ച് വാര്‍ത്താ എജന്‍സികള്‍ റിപ്പോര്ട്ട് ചെയ്തു.
സുരക്ഷാ പരിശോധനയ്ക്കിടയിലാണ് അപകടമുണ്ടായത്. 30 തൊഴിലാളികള്‍ അപകടസമയത്ത് സത്ലത്തുണ്ടായിരുന്നുവെന്നാണ് വിവരം. വലിയ ശബ്ദത്തോടെ ക്രെയിന്‍ മറിയുന്നത് കണ്ടവരില്‍ പലരും ഓടി രക്ഷപ്പെട്ടു. വീഴ്ചയില്‍ ക്രെയിനിനടിയില്‍ പെട്ടവരാണ് മരണപ്പെട്ടത്. കൂടുതല്‍ പേര്‍ക്ക് പരിക്കേറ്റിട്ടുണ്ട്. ഇതില്‍ ഒരാളുടെ നില ഗുരുതരമാണ് എന്നാണ്‌ റിപ്പോര്ട്ട്.
