പുതിയ കരട് പരിസ്ഥതി ആഘാത വിലയിരുത്തൽ വിജ്ഞാപനത്തിനെതിരെ രാഹുൽ ഗാന്ധി. ഇഐഎ ഭേദഗതി പരിസ്ഥിതി നാശത്തിനും രാജ്യത്തെ കൊള്ളയടിക്കലിനും കാരണമാകുമെന്ന് രാഹുൽ ഗാന്ധി അഭിപ്രായപ്പെട്ടു. വിജ്ഞാപനം ഉടൻ പിൻവലിക്കണമെന്ന് അദ്ദേഹം ആവശ്യപ്പെട്ടു. ഇഐഎ ഭേതഗതിക്കെതിരായ അഭിപ്രായം ട്വിറ്ററിലാണ് രാഹൂൽ രേഖപ്പെടുത്തിയത്.
ബിജെപി സർക്കാർ രാജ്യത്തെ വിഭവങ്ങൾ കവരുന്നവർക്കായി എന്തൊക്കെ ചെയ്തു കൊടുക്കുന്നു എന്നതിന്റെ മറ്റൊരു ഞെട്ടിക്കുന്ന ഉദാഹരണമാണ് പുതയി ഭേദഗതി എന്നാണ് രാഹുൽ ട്വിറ്ററിൽ കുറിച്ചത്. ഹിന്ദിയിലായിരുന്നു രാഹുലിന്റെ ട്വീറ്റ്.
ഇഐഎ വിജ്ഞാപനത്തിനെതിരെ നേരത്തെയും രാഹുൽ അഭിപ്രായ പ്രകടനം നടത്തിയിരുന്നു. വിജ്ഞാപനം നാടിന്റെ ഭാവിയെ ബാധിക്കുന്നതും , അപമാനവും അപകടവുമാണെന്നായിരുന്നു രാഹുൽ അന്ന് അഭിപ്രായപ്പെട്ടത്.
