രാജീവ് ഗാന്ധിയുടെ 76 ആം ജന്മദിനത്തിൽ രാഹുൽ ഗാന്ധിയുടെ ഓർമക്കുറിപ്പ്. ട്വിറ്ററിലാണ് പിതാവിനെ കുറിച്ചുള്ള ഓർമകൾ രാഹുൽ പങ്കുവെച്ചത്.
രാജീവ് ഗാന്ധി അസാധാരണമായ തന്റെ കാലഘട്ടത്തിന് അപ്പുറം കാഴ്ചപ്പാടുള്ള വ്യക്തിയായിരുന്നു. എല്ലാത്തിനും ഉപരിയായി സ്നേഹം, കാരുണ്യവും ഏറെയുണ്ടായിരുന്നു അദ്ദേഹത്തിന്.അദ്ദേഹത്തെ മകനായി ജനിച്ചതിൽ അതിയായ ഭാഗ്യം ചെയ്തയാളാണ് ഞാൻ. ജീവിതത്തിന്റെ ഓരോ നിമിഷവും അദ്ദേഹത്തിന്റെ വിയോഗം വേദനിപ്പിക്കുന്നുണ്ടെന്നും രാഹുൽ ട്വിറ്ററിൽ കുറിച്ചു.
രാജീവിന്റെ 76 ആം ജന്മദിനത്തിൽ കോൺഗ്രസ്, കൊവിഡ് പശ്ചാത്തലത്തിൽ പരിപാടികളൊന്നും സംഘടപ്പിച്ചിരുന്നില്ല. നേതാക്കൾ രാജീവിന്റെ ഓർമകൾ സമൂഹ മാധ്യമങ്ങളി‍ൽ പങ്കുവെച്ചു.
1944 ആഗസ്റ്റ് 20 നാണ് രാജീവ് ജനിച്ചത്. 1984 മുതൽ 1989 വരെ ഇന്ത്യയുടെ പ്രധാനമന്ത്രിയായിരുന്നു. 1984 ൽ അമ്മയായ ഇന്ദിരാഗാന്ധിയുടെ വിയോഗത്തെ തുടർന്നാണ് സ്ഥാനം ഏറ്റെടുത്തത്. 1991 ൽ തമിഴ്നാട്ടിലെ പെരുമ്പതൂരിൽ ഉണ്ടായ ബോബ് സ്ഫോടനത്തിൽ രാജീവ് കൊല്ലപ്പെട്ടു.
