കൊവിഡ് പശ്ചാത്തലത്തിൽ നിർത്തിവെച്ചിരുന്ന സിനിമാ സീരിയിൽ ഷൂട്ടിംഗിന് കേന്ദ്ര സർക്കാറിന്റെ അനുമതി. ഷൂട്ടിംഗിനായി കേന്ദ്രസർക്കാർ മാർഗനിർദ്ദേശങ്ങൾ മുന്നോട്ട് വെച്ചിട്ടുണ്ട്. ഷൂട്ടിംഗ് സ്ഥലത്ത് ക്യാമറക്ക് മുന്നിൽ നിൽക്കുമ്പോൾ ഒഴികെ എല്ലാവരും മാസ്ക് ധരിക്കണം. മാസ്കില്ലാത്ത ഒരാളെ പോലും ഷൂട്ടിംഗ് സെറ്റിൽ പ്രവേശിപ്പിക്കരുത്. ഷൂട്ടിംഗ് തുടങ്ങുന്നതിന് മുമ്പായി എല്ലാവരെയും തെർമൽ സ്ക്രീനിംഗിന് വിധേയരാക്കണം. രോഗലക്ഷണങ്ങൾ കണ്ടാൽ ഉടൻ തന്നെ അധികൃതരെ വിവരം അറിയിക്കണം. കൃത്യമായ ഇടവേളകളിൽ ലൊക്കേഷൻ അണുവിമുക്തമാക്കണം. സാമൂഹിക അകലം പാലിച്ചു കൊണ്ടാകണം ഷൂട്ടിംഗ്. ഷൂട്ടിംഗ് പരമാവധി ഔ ട്ട് ഡോറിലാക്കണം. എസി യുടെ അത്യാവശ്യ ഘട്ടങ്ങളിൽ മാത്രമെ ഉപയോഗിക്കാവൂ. ആരോഗ്യ സേതു ആപ്പ് എല്ലാവരും ഡൗൺ ലോഡ് ചെയ്തിരിക്കുണം. ഡിസ്പോസിബിൾ പാത്രങ്ങളിലും ഗ്ലാസുകളിലും മാത്രമെ ഭക്ഷണം വിളമ്പാവൂ തുടങ്ങിയ മാർഗ നിർദ്ദേശങ്ങളാണ് നൽകിയിരിക്കുന്നത്.
ഷൂട്ടിംഗ് ലൊക്കേഷനിൽ സന്ദർശകരേയോ കാഴ്ചക്കാരേയോ അനുവദിക്കരുതെന്നും മാർഗ നിർദ്ദേശത്തിലുണ്ട്. കൊവിഡിനെ തുടർന്ന് കഴിഞ്ഞ 6 മാസമായി ഷൂട്ടിംഗ് മുടങ്ങിയിരിക്കുകയാണ്. തീയറ്ററുകൾ തുറക്കാൻ ഇതുവരെ അനുമതി നൽകിയിട്ടില്ല. ഷൂട്ടിംഗിനായി കേന്ദ്ര സർക്കാർ ആദ്യമായാണ് മാർഗ നിർദ്ദേശ പുറപ്പെടുവിക്കുന്നത്
